Pune: पुण्यात कोंबड्यांमुळे GBSची लागण, अजित पवारांची माहिती; मात्र मांसाहार केल्यानेच जीबीएस सिंड्रोमचा आजार होतो का? डॉक्टर म्हणाले...

Pune : केवळ मांसाहार खाल्ल्यानेच जीबीएस होतो असं बोलणं वावगं ठरेल. किंबहुना काही अंशी ते खरं देखील आहे. त्यामुळे दूषित मांस किंवा उघड्यावरचे अन्न खाणे टाळा असा सल्ला डॉ.अविनाश भोंडवे यांनी दिला आहे.

Guillain Barre Syndrome In Pune

Source : ABP Majha

पुणे : गुलेन बॅरी सिंड्रोम (Guillain Barre Syndrome) अर्थात जीबीएस (GBS) हा रोग कुठल्याही जंतू पासून किंवा बॅक्टेरिया आणि वायरस पासून होत नाही. तर काही विषाणू अन्नपदार्थातून आपल्या शरीरात गेल्यानंतर हा आजार जास्त होण्याची शक्यता असते. दूषित पाणी, दूषित अन्न किंवा दूषित मांसाहार याच कारणामुळे GBS आजार होतो हे निष्पन्न झाल आहे. मात्र केवळ मांसाहार खाल्ल्यानेच जीबीएस होतो असं बोलणं वावगं ठरेल. किंबहुना काही अंशी ते खरं देखील आहे. त्यामुळे दूषित मांस किंवा उघड्यावरचे अन्न खाणे टाळा असा सल्ला पुण्यातील डॉ.अविनाश भोंडवे यांनी दिला आहे.

कोंबडी खाणाऱ्याला प्रत्येकाला GBS ची लागण होईल असं नाही- डॉ.अविनाश भोंडवे

जीबीएस होऊ नये म्हणून केवळ शिजवलेलं मांस खा, असेही डॉ.अविनाश भोंडवे म्हणाले. जर जीबीएसचा जिवाणू कोंबड्यांमध्ये असेल तरच माणसाला याची लागण होऊ शकते, पण प्रत्येक कोंबडी खाणाऱ्याला याची लागण होईल, असं नाही. तसेच GBS विषाणूमुळे प्रत्येक व्यक्तीला हा आजार होईल असंही नसल्याचे डॉ.अविनाश भोंडवे म्हणाले. 

गुइलेन-बॅरे सिंड्रोमची माहिती:

* गुइलेन-बॅरे सिंड्रोम हा एक दुर्मीळ स्वयंप्रतिकार (Auto immune) स्वरुपाचा विकार आहे, ज्यात शरीराची रोगप्रतिकारशक्ती स्वतःच्याच चेतासंस्‍थांवर  (peripheralnervous system) हल्ला करते. यामुळे स्नायू कमजोर होतात आणि गंभीर रुग्णामध्ये पक्षाघातही होऊ शकतो.
 
* गुइलेन-बॅरे सिंड्रोम (जीबीएस) हा संसर्गजन्यरोग नाही. तो एका व्यक्तीकडून दुसऱया व्यक्तीमध्ये पसरत नाही. याचे निश्चित कारण अज्ञात आहे. हा आजार एखाद्या श्वसन किंवा पचनसंस्थेच्या संसर्गानंतर होतो. त्यावर तातडीने उपचार करणे आवश्यक आहे.
 
* गुइलेन-बॅरे सिंड्रोम हा रोग नवीन नसून, तो अनेक वर्षांपासून ओळखला जातो. हा संसर्गजन्य रोग नसला, तरी काही वेळा जीवाणू किंवा विषाणूच्या संसर्गानंतर तो विकसित होऊ शकतो. तसेच GBS ची इतर अनेक कारणे असतात
 
* गुइलेन-बॅरे सिंड्रोम हा रोग वर्षभर आढळतो. साधारणपणे १ लाख लोकांमध्ये एकजण या रोगाने ग्रस्त असतो. त्यामुळे, मुंबईतील मोठी रूग्‍णालये / वैद्यकीय महाविद्यालयांमध्ये दर महिन्याला 'जीबीएस' चे काही रुग्ण उपचारासाठी येतात.

गुइलेन-बॅरे सिंड्रोमची लक्षणे :

* अचानक पायातील किंवा हातात येणारा अशक्तपणा / दुर्बलता / लकवा
* अचानकपणे उद्भवलेला चालण्‍यातील त्रास किंवा अशक्तपणा
* जास्‍त दिवसांचा अतिसार (डायरिया) आणि ताप

नागरिकांनी घ्यावयाची काळजी :

* पिण्याचे पाणी उकळून प्‍यावे
* स्वच्छ व ताजे अन्न खावे
* शिजलेले अन्न आणि न शिजलेले कच्चे अन्न एकत्रित ठेऊ नये 
* वैयक्तिक स्वच्छतेवर भर द्यावा
* हात किंवा पायांमध्ये अचानक वाढत जाणारा अशक्तपणा असल्यास त्वरित जवळच्या महानगरपालिका रुग्णालयातील डॉक्टरांशी संपर्क साधावा.

हे ही वाचा