Maharashtra Rains: ‘हातातोंडाशी आलेला घास गेला’, Konkan मध्ये परतीच्या पावसाने शेतकऱ्यांचे गणित बिघडले

परतीच्या पावसाने कोकणातील (Konkan) शेतकऱ्यांसमोर मोठे संकट उभे केले आहे. Ratnagiri, Raigad आणि Sindhudurg जिल्ह्यातील जवळपास दोन लाख हेक्टरवरील भातशेती (Paddy Farming) धोक्यात आली आहे. 'यंदा उत्पादन चांगले झाल्याने भातशेती हाती येईल अशी आशा होती, पण ऐन कापणीच्या हंगामात पावसाने सर्व गणित बिघडवले', अशी व्यथा शेतकरी मांडत आहेत. मागच्या चार-पाच दिवसांपासून सुरू असलेल्या पावसामुळे कापणीला आलेली पिके वाया जात असून, काही ठिकाणी तर कापलेल्या भाताच्या दाण्यांना शेतातच कोंब फुटले आहेत. त्यामुळे शेतकरी मोठ्या आर्थिक संकटात सापडला आहे. सकाळपासून शेतात राबणाऱ्या शेतकऱ्याच्या हाती काहीच लागत नसल्याने तो हवालदिल झाला आहे.