War of Words: 'दोन दिवसात Bawankule यांचे घोटाळे बाहेर काढू'; Sanjay Raut यांचा थेट इशारा

राज्यात शेतकरी आंदोलनाच्या पार्श्वभूमीवर शिवसेना नेते संजय राऊत (Sanjay Raut) आणि भाजप नेते चंद्रशेखर बावनकुळे (Chandrashekhar Bawankule) यांच्यात आरोप-प्रत्यारोपांचे युद्ध पेटले आहे. 'बावनकुळ्यांचे घोटाळे आणि भ्रष्टाचाराची प्रकरणं दोन दिवसात बाहेर काढतोय,' असा थेट इशारा संजय राऊत यांनी दिला आहे. बावनकुळे सरकारने नेमलेल्या शेतकरी आंदोलनातील मध्यस्थीवरून राऊतांनी हा निशाणा साधला. बावनकुळे यांची प्रॉपर्टी विकल्यास शेतकऱ्यांचे कर्ज फिटेल, असा दावाही राऊत यांनी केला. यावर बावनकुळे यांनीही जशास तसे उत्तर दिले. 'माझी सगळी प्रॉपर्टी घ्या, त्याची किंमत लावा आणि शेतकऱ्यांची कर्जमाफी करून टाका,' असे आव्हान बावनकुळे यांनी राऊतांना दिले आहे. भ्रष्टाचार आमच्या रक्तात नाही आणि राऊतांना जे काही काढायचे आहे, ते त्यांनी काढावे, असेही बावनकुळे म्हणाले.