Akola Flood : नऊ महिन्याच्या गर्भवतीची पुरातून सुटका ABP Majha

अकोला जिल्ह्यातील मुर्तिजापूर तालूक्यातल्या पोही गावात रात्री एक चित्तथरारक रेस्क्यू ऑपरेशन करण्यात आलंय. नऊ महिन्यांच्या गर्भवती महिलेची पुरातून सुटका करण्यात आली. पोही गावातील या गर्भवती महिलेला रेस्क्यू टीमच्या मदतीनं पुराच्या पाण्यातून सुखरूप काढून मुर्तिजापुर येथील रूग्णालयात दाखल करण्यात आलंय. पोही-मुर्तिजापूर रस्त्यावरील तापाकळी नदीला आणि पोही-हिवरा कोरडे रस्त्यावरील उमानदीला पुर असल्यामूळे ही गर्भवती महिला उपचारांअभावी गावातच अडकली होती.