Raj Thackeray : 'दुबार मतदार आढळल्यास तिथेच फोडून काढा', कार्यकर्त्यांना थेट आदेश

मुंबईत झालेल्या 'सत्याचा मोर्चा'मध्ये (Satyacha Morcha) मनसे अध्यक्ष राज ठाकरे (Raj Thackeray) यांनी दुबार मतदारांच्या (Duplicate Voters) मुद्द्यावरून आक्रमक भूमिका घेतली. 'तिकडे हे दुबार तिबार वाले जर आले, तिथेच फोडून काढायचं, बडव-बडव-बडवायचे आणि पोलिसांच्या हातात द्यायचे,' असा थेट इशारा राज ठाकरे यांनी कार्यकर्त्यांना दिला. त्यांनी कल्याण, डोंबिवली, मुरबाड आणि भिवंडीमधील साडेचार हजार मतदारांनी मुंबईतील मलबार हिल (Malabar Hill) मतदारसंघातही मतदान केल्याचा खळबळजनक दावा केला. सर्वच राजकीय पक्ष दुबार मतदार असल्याचं मान्य करत असताना निवडणुका घेण्याची घाई का केली जात आहे, असा सवालही त्यांनी उपस्थित केला. आधी मतदार याद्या (Voter Lists) पूर्णपणे स्वच्छ आणि पारदर्शक करा, मगच निवडणुका घ्या, अशी मागणी राज ठाकरे यांनी केली.