Special Report Akola School : जयजयकार पाकिस्तानचा, पोलिसांकडून तपास; वास्तव काय?

Special Report Akola School : जयजयकार पाकिस्तानचा, पोलिसांकडून तपास; वास्तव काय? 
 अकोल्यातल्या एका शाळेचा व्हीडिओ सोशल मीडियावर जोरदार व्हायरल होतोय.. ज्यात विद्यार्थी पाकिस्तान जिंदाबादचे नारे देताहेत असा दावा करण्यात आलाय.. मात्र खरंच मुलांनी पाकिस्तानच्या नावानं घोषणा दिल्यात का? काय आहे वास्तव? पाहुयात
अकोला जिल्ह्यातल्या तेल्हारा तालुक्यातलं अडगाव बुद्रुक...  या गावातल्या एका व्हायरल व्हिडिओची दोन दिवसांपासून समाज माध्यमांवर मोठी चर्चा सुरूय.  काही शाळकरी मुलं शाळा सुटल्यानंतर देत असलेल्या घोषणांचा हा व्हिडीओ आहे.  विद्यार्थ्यांनी पाकिस्तान जिंदाबादच्या घोषणा दिल्याचा दावा काही ग्रामस्थांनी केला..
खरंच दुसरी तिसरीतली मुलं शाळा सुटल्यानंतर पाकिस्तान जिंदाबादचे नारे देत होते का?  'एबीपी माझा'ने अडगाव बुद्रुकमध्ये पोहोचत 'ग्राउंड रिॲलिटी' जाणून घेण्याचा प्रयत्न केला.  विषयाचं गांभीर्य ओळखून पोलीस देखील लागलीच कामाला लागले...  गावात मोठा पोलीस बंदोबस्त लावण्यात आला.   सहायक जिल्हा पोलीस अधीक्षक निखिल पाटील यांनी गावात ठाण मांडत शांतता समितीची सभा घेतली.  
पोलिसांनी अडगावातील मोहम्मदीया उर्दू वरिष्ठ प्राथमिक शाळेत जात व्हिडीओत दिसणाऱ्या विद्यार्थ्यांशी संवादही साधला.  
चौकशीनंतर जे सत्य समोर आलं ते समजल्यानंतर पोलिसांचाही जीव भांड्यात पडला..  
आता सत्य समोर आलं आहे..  त्यामुळे या विषयावर पडदा पडला पाहिजे..  अडगाव बुद्रुकचे ग्रामस्थ ती काळजी नक्कीच घेतील..