Morning Prime Time Superfast News : 9 AM : सुपरफास्ट बातम्यांचा आढावा : 7 Nov 2025 : ABP Majha

मराठा आरक्षणाचे नेते मनोज जरांगे पाटील (Manoj Jarange Patil) यांना जीवे मारण्याच्या धमकीनंतर राजकीय वातावरण तापले आहे. महसूल मंत्री राधाकृष्ण विखे पाटील (Radhakrishna Vikhe Patil), खासदार बजरंग सोनवणे (Bajrang Sonawane) आणि आमदार विजयसिंह पंडित (Vijaysingh Pandit) यांनी या प्रकरणाच्या सखोल चौकशीची आणि जरांगे यांना सुरक्षा देण्याची मागणी केली आहे. 'एखादा नेता विशिष्ट प्रश्नांसाठी उभा राहतोय आणि त्यांच्याच हत्येचा कट खुणी करत असेल तर त्यांना संरक्षण दिलं पाहिजे', असे राधाकृष्ण विखे पाटील यांनी म्हटले आहे. जालन्यात याप्रकरणी तक्रार दाखल झाल्यानंतर पोलिसांनी बीडमधून दोन संशयितांना ताब्यात घेतले आहे. खासदार बजरंग सोनवणे यांनी या प्रकरणाच्या एसआयटी (SIT) चौकशीची मागणी एका पत्राद्वारे केली आहे, तर आमदार विजयसिंह पंडित यांनी जरांगे यांच्या जीवाला धोका असल्याचे सांगत त्यांना 'झेड प्लस' (Z+ Security) सुरक्षा देण्याची मागणी केली आहे.