Party Switch : महाविकास आघाडीवर विश्वास नाही, भाजपमध्ये प्रवेश वाढले

म्हाड्याचे बबनदादा शिंदे, त्यांचे दोन्ही चिरंजीव, मोहोळ तालुक्यातील राजन पाटील आणि दिलीपराव माने यांच्या भाजपमध्ये प्रवेशाची घोषणा मंत्री जयकुमार गोरे यांनी केली आहे. महसूलमंत्री बावनकुळे यांनी म्हटलं, 'महाविकास आघाडीवर आता विश्वास राहिला नसल्यामुळेच भाजपमध्ये पक्ष प्रवेश होत आहेत.' सोलापूर महापालिका क्षेत्रात भाजपच्या उमेदवारांचा विस्तार होत असून, स्थानिक स्वराज्य संस्थांच्या निवडणुकांसाठी भाजपचे बळ वाढवण्याचे नियोजन सुरू आहे. महाविकास आघाडी विकासापासून दूर गेल्याचा आरोपही करण्यात आला आहे. देवेंद्र फडणवीस सरकारकडून अपेक्षित विकास साधला जाईल, अशी अपेक्षा व्यक्त करण्यात आली आहे. त्यामुळे अनेक नेते भाजप आणि महायुतीकडे वळत आहेत.