Gokul Face-off: 'शेतकरी संवेदनशील, भावना समजून घ्या', Gokul संचालिका Shoumika Mahadik आक्रमक

कोल्हापूरमधील (Kolhapur) गोकुळ दूध संघाच्या (Gokul Dudh Sangh) डिबेंचर कपातीवरून (Debenture Cut) दूध उत्पादक शेतकरी आक्रमक झाले असून, भाजप नेत्या आणि गोकुळ संचालिका शौमिका महाडिक (Shoumika Mahadik) यांच्या नेतृत्वात 'जवाब दो' मोर्चा काढण्यात आला. 'शेतकरी संवेदनशील आहे, त्याच्या भावना समजून घ्या, दिवाळी तोंडावरची आहे, त्याला जास्त थोडेसे पैसे आपण देऊ शकलो तर ते आपल्याकडून चांगलं होईल', असं म्हणत शौमिका महाडिक यांनी शेतकऱ्यांची बाजू मांडली. गोकुळने यंदा दूध दर फरकातील सुमारे ४० टक्के रक्कम डिबेंचर म्हणून कपात केल्याने शेतकऱ्यांची दिवाळी अडचणीत आली आहे. संतप्त शेतकऱ्यांनी आपल्या जनावरांसह गोकुळच्या कार्यालयावर मोर्चा काढला, यावेळी त्यांची पोलिसांशी झटापटही झाली. दरवर्षी १०-१५ टक्के होणारी कपात यंदा ४० टक्क्यांवर गेल्याने उत्पादक संतप्त झाले आहेत. या आंदोलनामुळे गोकुळमधील महाडिक विरुद्ध सत्ताधारी गट असा राजकीय संघर्षही पेटल्याचे चित्र आहे.