Threat to PM: 'तुम्हाला उडवून देऊ', काँग्रेस खासदार Prashant Padole यांची मोदी-फडणवीसांना थेट धमकी

भंडारा-गोंदियाचे काँग्रेस खासदार प्रशांत पडोळे (Prashant Padole) यांनी पंतप्रधान नरेंद्र मोदी (Narendra Modi) आणि माजी मुख्यमंत्री देवेंद्र फडणवीस (Devendra Fadnavis) यांना थेट धमकी दिल्यामुळे राजकीय वातावरण तापले आहे. 'यावेळेस आम्ही आत्महत्या करणार नाही, यावेळेस आम्ही तुम्हाला उडवून देऊ साहेब', असा खळबळजनक इशारा पडोळे यांनी दिला आहे. केंद्र आणि राज्य सरकारने शेतकरीविषयक धोरणे बदलावीत आणि अवकाळी पावसामुळे नुकसान झालेल्या शेतकऱ्यांना तातडीने एक लाख रुपये हेक्टरी मदत जाहीर करावी, अशी मागणी त्यांनी केली आहे. पीक विम्यापोटी शेतकऱ्यांना केवळ १८ रुपये मिळत असल्याचा आरोपही त्यांनी केला. दरम्यान, भाजप नेते चंद्रशेखर बावनकुळे यांनी पडोळे यांचे वक्तव्य बालीशपणाचे लक्षण असल्याचे म्हटले आहे. पडोळेंमध्ये प्रगल्भतेचा अभाव असून ते 'अ‍ॅक्सिडेंटल खासदार' असल्याची टीकाही बावनकुळे यांनी केली.