Asangaon Fire: आसनगाव एमआयडीसीत भीषण आग, २० तास उलटूनही विझलेली नाही

ठाणे जिल्ह्यातील शहापूर तालुक्यातील आसनगाव एमआयडीसी परिसरातील एका प्लास्टिक कंपनीला लागलेली भीषण आग २० तास उलटूनही धुमसत आहे. 'आग वीस तासांनंतर देखील अजूनही धुमस्त आहे,' आणि यावर नियंत्रण मिळवण्यासाठी भिवंडी आणि कल्याण येथील अग्निशमन दलाच्या गाड्या घटनास्थळी दाखल झाल्या आहेत. संपूर्ण परिसरात धुराचे प्रचंड लोट पसरले असून, भीतीचे वातावरण आहे. प्लास्टिक कंपनी असल्यामुळे आगीने रौद्ररूप धारण केले आणि ती वेगाने पसरली. अग्निशमन दलाचे जवान आगीवर नियंत्रण मिळवण्यासाठी शर्थीचे प्रयत्न करत आहेत. मात्र, आगीची भीषणता पाहता ती विझवण्यासाठी आणखी काही तास लागण्याची शक्यता वर्तवण्यात येत आहे. या घटनेमुळे औद्योगिक वसाहतींमधील कंपन्यांच्या सुरक्षेचा प्रश्न पुन्हा एकदा ऐरणीवर आला आहे.