रायगड : पतीने गर्भवती पत्नीला माथेरानच्या 800 फूट दरीत ढकललं

माथेरानच्या दरीमध्ये फेकलेल्या गरोदर महिलेला वाचवण्यात पोलिस आणि गिर्यारोहकांच्या पथकाला यश आलं आहे. तर पत्नीच्या हत्येचा प्रयत्न केल्याप्रकरणी पतीला अटक करण्यात आली आहे. काल संध्याकाळी सुरेश पवार आणि विजया पवार हे दाम्पत्य आपल्या मुलासह माथेरानला फिरायला आलं. सुरेश आणि विजया यांचा वर्षभरापूर्वी प्रेमविवाह झाला होता. पण विजयापासून सुटका मिळवण्याच्या उद्देशाने सुरेशने कड्यावरच्या गणपती पॉईंटपासून तिला 800 फूट खोल दरीत फेकून दिलं.आश्चर्य म्हणजे इतक्या उंचावरून पडूनही महिलेला सुखरुप बाहेर काढण्यात आलं.