Sanjay Raut On Eknath Shinde : Sanjay Raut : शिंदे-फडणवीस-दादा बाहुल्या, त्यांना दिल्लीतून नाचवलं जातं.Sanjay Raut on Nashik & Raigad Guardian Minister : राज्य सरकारकडून शनिवारी सर्व जिल्ह्यांच्या पालकमंत्र्यांची यादी (Maharashtra Guardian Minister List) जाहीर करण्यात आली. यात नाशिकमधून भाजपचे गिरीश महाजन (Girish Mahajan) आणि रायगडमधून राष्ट्रवादीच्या अदिती तटकरे (Aditi Tatkare) यांची पालकमंत्रिपदी नियुक्ती करण्यात आली होती. मात्र, एका दिवसात नाशिक आणि रायगडच्या पालकमंत्रिपदाचा निर्णय स्थगित करण्यात आला आहे. तर उपमुख्यमंत्री एकनाथ शिंदे (Eknath Shinde) हे नाराज होऊन दरे गावात निघून गेले होते, अशी चर्चा रंगली आहे. आता यावरून शिवसेना ठाकरे गटाचे खासदार संजय राऊत (Sanjay Raut) यांनी गंभीर आरोप केलाय. संजय राऊत म्हणाले की, मुख्यमंत्री पालकमंत्रिपदाची घोषणा करून विदेशात गेले. उदय सामंत त्यांच्याबरोबर आहेत. एकनाथ शिंदे यांची खरी नाराजी यासंदर्भात आहे. पालकमंत्रिपद हे निमित्त आहे. इतके बहुमत असलेले मुख्यमंत्री आपल्याच निर्णयांना स्थगिती देतात हे आश्चर्य आहे. पालकमंत्रिपदाच्या निर्णयाला स्थगिती देण्याची वेळ का आली? असा सवाल त्यांनी उपस्थित केला.