ठाणे : आयपीएल बेटिंग प्रकरणात अभिनेता अरबाज खानला समन्स

आयपीएल बेटिंगप्रकरणी देशातला बडा बुकी सोनू जलालच्या अटकेनंतर आता मोठी नावं समोर येऊ लागली आहेत. आयपीएल सामन्यांवरील बेटिंगप्रकरणात ठाणे खंडणीविरोधी पथकानं अभिनेता अरबाज खानला समन्स बजावलंय. अरबाज ठाणे खंडणीविरोधी पथकच्या कार्यालयात उद्या हजेरी लावणार असल्याची माहिती सूत्रांनी दिलीये. अरबाज खान हा देखील सोनूकडे बेटिंग करत असल्याची माहिती पोलीस चौकशीत समोर आली आहे. दरम्यान, सोनूच्या संपर्कात देशातले 80 ते 90 बडे बुकी आणि अनेक सेलिब्रेटी असल्याचं बोललं जातंय. यामुळे लवकरच खंडणीविरोधी पथकाच्या कार्यालयात बड्या असामींची हजेरी लागण्याची शक्यता आहे.