712 हवामानाचा अंदाज

गेल्या आठवड्यात राज्यात जवळपास सगळीकडे जोरदार पाऊस झाला. मात्र गेल्या काही दिवसांपासून पावसानं विश्रांती घेतलेली दिसत आहे. सध्या मान्सूनचा उत्तरी प्रवाह मंदावल्यानं पावसामध्ये खंड पडलाय. राज्यात आणखी काही दिवस अशीच परिस्थिती राहील, असं हवामान खात्याचं म्हणणं आहे. येत्या २४ तासात कोकण-गोव्यात काही ठिकाणी पावसाच्या सरी बरसण्याचा अंदाज आहे. तर विदर्भात तुरळक ठिकाणी मेघगर्जनेसह पावसाचा इशारा देण्यात आला. मात्र अशा परिस्थितीत पेरणीची घाई न करण्याचं आवाहन कृषी विभागानं केलंय. पुरेसा पाऊस झाल्यानंतरच पेरणीला सुरुवात करावी. अन्यथा दुबार पेरणीचं संकट येऊ शकतं. तेव्हा साधारणपण ७५ मिमी पाऊस झाल्यानंतरच पेरणी करण्याचं आवाहन कृषी विभाग करतंय.