Bollywood Records : बॉलिवूड चित्रपटांची दमदार कमाई, तरीही मोडता येणार नाही 'हे' 6 रेकॉर्ड

Bollywood Unbroken Records : सध्या बॉलिवूड चित्रपट कोट्यवधींची कमाई करत आहेत. पण, असं असलं तरी काही जुन्या चित्रपटांचे रेकॉर्ड नवीन चित्रपट आणि सेलिब्रिटींना मोडता आलेले नाहीत.

Bollywood Unbroken Records

Bollywood Unbracable Records : बॉलिवूड चित्रपट बनवण्याची पद्धत आता काळानुसार बदलली आहे. यासोबत चित्रपटांची बॉक्स ऑफिसवरील कमाईही वाढताना दिसत आहेत. पूर्वीपेक्षा आता चित्रपट जास्त कमाई करतात. अलिकडे आलेल्या अनेक चित्रपटांनी आधीच्या चित्रपटांचे रेकॉर्ड मोडले आहेत. पण, असं असलं तरी काही जुन्या चित्रपटांचे रेकॉर्ड नवीन चित्रपट आणि सेलिब्रिटींना कदाचित कधी मोडता येणार नाहीत.

बॅक टू बॅक 17 ब्लॉकबस्टर चित्रपट - अभिनेते राजेश यांनी 1969 ते 1971 या दरम्यान 17 ब्लॉकबस्टर चित्रपट दिले होते. आजकाल तर काही स्टार्स एक-दोन चित्रपट हिट झाल्यावर स्वत:ला सुपरस्टार मानतात. पण, शतकातील पहिले सुपरस्टार राजेश खन्ना यांचा रेकॉर्ड मोडणं तर दूर या जवळ पोहोचणंही आजच्या स्टार्ससाठी जवळजवळ अशक्य आहे.