Santosh Deshmukh Case | 'अनैतिक' कट, संतोष देशमुख प्रकरणावरून वर्दीवर आरोप Special Report

मस्साजोग प्रकरणात नवनवे खळबळजनक दावे आणि सनसनाटी आरोपांचा सिलसिला आजही सुरुच राहिला.. संतोष देशमुखांचं चारित्र्यहनन करण्याचा बनाव पोलिसांनी रचला होता असा आरोप मस्साजोग ग्रामस्थांनी केलाय. देशमुखांची हत्या अनैतिक संबंधांतून झाल्यांचं दाखवण्याचा पोलिसांचा प्रयत्न होता असा दावा देशमुख कुटुंबियांनी केलाय.. खासदार सुप्रिया सुळे आपल्या पथकासोबत ७२ दिवसांनंतर मस्साजोगला पोहोचल्या होत्या.. त्यांच्यासमोरच हे गंभीर, सनसनाटी आरोप करण्यात आलेत. काय आहे नेमका प्रकार पाहुयात हा स्पेशल रिपोर्ट

 

पोलिसांच्या कार्यक्षमतेवर पुन्हा प्रश्नचिन्ह उभं राहिलंय...

देशमुख कुटुंबीयांना भेटायला गेलेल्या सुप्रिया सुळेंसमोर मस्साजोगच्या

गावकऱ्यांनी धक्कादायक दावा केला...

देशमुखांची हत्या अनैतिक संबंधांतून झाल्यांचं दाखवण्याचा पोलिसांचा प्रयत्न
होता असा खळबळजनक आरोप देशमुखांचे कुटुंबीय आणि मस्साजोगच्या गावकऱ्यांनी केलाय...

 

काय आहे ग्रामस्थांचा दावा?
१. संतोष देशमुखांचा मृतदेह घेऊन जाणारी गाडी केज ऐवजी कळंबच्या दिशेने नेली
२. तिकडे एक महिला तयार ठेवली होती.
३. त्या महिलेशी देशमुख यांच्याशी संबंध असल्याचा बनाव रचला होता
४. त्या वादातून संतोष देशमुख यांची हत्या झाली असं पोलिसांना दाखवायचं होतं

संतोष देशमुख यांचा मृतदेह घेऊन जाणाऱ्या पोलीस गाडीच्या पाठीमागे एक कार होती..

या कारमध्ये होते आसाराम देशमुख.. 
या सगळ्या घटनाक्रमाचे ते साक्षीदार आहेत

आज सुप्रिया सुळेंसमोर ग्रामस्थ बोलत असले तरी आपण ही माहिती आधीच दिली होती असा दावा आमदार सुरेश धस यांनी केलाय

 

गावकऱ्यांनी म्हंटलं त्याची मी माहिती दिली आहे आधीपण..कळंब येथे संतोष देशमुखला न्यायचं .महिला तयार ठेवली होती कळंब मध्ये..मात्र संतोष देशमुखचा अंत आधीच झाला..बदनामीचा प्रकार त्यांना करता आला नाही हेच गावकऱ्यांना सांगायचं होतं)) 

 

मस्साजोग ग्रामस्थांचा कोणत्या पोलिसांवर काय आरोप? (हेडर)

पीएसआय राजेश पाटील आणि पोलीस निरीक्षक प्रशांत महाजनांवर आरोपींशी संबंध असल्याचा मस्साजोगकरांचा आरोप आहे

सरपंच हत्येतील आरोपींसोबत फिरताना पीएसआय राजेश पाटलांचा सीसीटीव्ही समोर आलाय

पीएसआय राजेश पाटील निलंबित, पोलीस निरीक्षक प्रशांत महाजनची बीड मुख्यालय कंट्रोल रुममध्ये बदली झाली

तपासात निष्काळजीपणा, दिरंगाईचा आरोप आहे.

तसंच आरोपीला पळून जाण्यास मदत केल्याचा आरोप

करण्यात आलाय.

केजमधील पोलीस अधिकारी कधी धनंजय देशमुख यांच्या सोबत सीसीटीव्हीमध्ये दिसले तर कधी संतोष देशमुखांच्या मारेकऱ्यांसोबत, कधी बीड पोलिसांचं वाल्मिक कराडसोबतचं संभाषण व्हायरल झालं...आता तर मृत संतोष देशमुखांची बदनामी करण्यासाठी बनाव रचल्याचा गंभीर आरोप पोलिसांवर केला जातोय....खाकी वर्दीवरचे शिंतोडे पुसण्यासाठी पोलीस काय उत्तर देणार हे पाहायचंय...
गोविंद शेळके, एबीपी माझा, बीड