![metaverse](https://cdn.abplive.com/imagebank/metaverse-top.png)
IPL 2022, CSK Vs RCB: शिवम दुबे, रॉबिन उथप्पाची आक्रमक खेळी, चेन्नईचं बंगळुरूसमोर 217 धावांचं लक्ष्य
IPL 2022, CSK Vs RCB: या सामन्यात बगंळुरूचा कर्णधार फाफ डू प्लेसिसनं (Faf du Plessis) नाणेफेक जिंकून प्रथम गोलंदाजी करण्याचा निर्णय घेतला.
![IPL 2022, CSK Vs RCB: शिवम दुबे, रॉबिन उथप्पाची आक्रमक खेळी, चेन्नईचं बंगळुरूसमोर 217 धावांचं लक्ष्य IPL 2022, CSK Vs RCB: Royal Challengers Bangalore need 217 runs against Chennai Super Kings at 22 Match Dr DY Patil Sports Academy, Mumbai IPL 2022, CSK Vs RCB: शिवम दुबे, रॉबिन उथप्पाची आक्रमक खेळी, चेन्नईचं बंगळुरूसमोर 217 धावांचं लक्ष्य](https://feeds.abplive.com/onecms/images/uploaded-images/2022/04/12/5727bebd1998469be4c9f146580807fb_original.png?impolicy=abp_cdn&imwidth=1200&height=675)
IPL 2022, CSK Vs RCB: नवी मुंबईच्या (Navi Mumbai) डीवाय पाटील स्टेडियमवर (Dr DY Patil Sports Academy) खेळण्यात आलेल्या आयपीएलच्या 22 व्या सामन्यात चेन्नईच्या संघानं बंगळुरूसमोर (Chennai Super Kings Vs Royal Challengers Bangalore) समोर 217 धावांचं लक्ष्य ठेवलं आहे. या सामन्यात बगंळुरूचा कर्णधार फाफ डू प्लेसिसनं (Faf du Plessis) नाणेफेक जिंकून प्रथम गोलंदाजी करण्याचा निर्णय घेतला. त्यानंतर फलंदाजी करण्यासाठी मैदानात आलेल्या चेन्नईच्या संघानं 20 षटकात चार विकेट्स गमावून 216 धावा केल्या. चेन्नईकडून शिवम दुबे (Shivam Dube) आणि रॉबिन उथप्पानं (Robin Uthappa) उत्कृष्ट फलंदाजी केली.
नाणेफेक गमावल्यानंतर प्रथम फलंदाजी करण्यासाठी मैदानात आलेल्या चेन्नईच्या संघाची खराब सुरूवात झाली. सलामीवीर ऋतुराज गायकवाड पुन्हा मोठी धावसंख्या करण्यास अपयशी ठरला. या सामन्यातील तिसऱ्या षटकातील चौथ्या चेंडूवर त्यानं आपली विकेट्स गमावली. दरम्यान, मोईन अलीही स्वस्तात माघारी परतला. त्यानंतर रॉबिन उथप्पा आणि शिवम दुबेनं आक्रमक फलंदाजी करत संघाचा डाव पुढे नेला. उथप्पानं 88 तर, शिवम दुबेनं 94 धावा केल्या. ज्यामुळं चेन्नईच्या संघानं 20 षटकात चार विकेट्स गमावून बंगळुरूसमोर 216 धावांचं डोंगर उभा केला. बंगळुरूकडून वानिंदु हसरंगानं दोन विकेट्स घेतल्या. तर, जोश हेजलवूडनं एक विकेट्स मिळवल्या.
संघ-
चेन्नईचा संघ-
ऋतुराज गायकवाड, रॉबिन उथप्पा, मोईन अली, अंबाती रायडू, शिवम दुबे, एम.एस. धोनी (विकेटकिपर), रवींद्र जाडेजा (कर्णधार), ड्वेन ब्राव्हो, ख्रिस जॉर्डन, मुकेश चौधरी, महेश तिक्षणा .
बंगळुरूचा संघ-
अनुज रावत, फाफ डु प्लेसीस (कर्णधार), विराट कोहली, ग्लेन मॅक्सवेल, दिनेश कार्तिक (विकेटकीपर), शाहबाज अहमद, वानिंदू हसरंगा, जोस हेझलवुड, सुयश प्रभुदेसाई, आकाश दीप, मोहम्मद सिराज.
हे देखील वाचा-
- Akshar की Axar? दिल्लीच्या ऑलराऊंडरच्या स्पेलिंगमागचं नेमकं रहस्य काय? नक्की वाचा
- Washington Sundar Injured: हैदराबादची चिंता वाढणारी बातमी, वॉशिंग्टन सुंदरला दुखापत, पुढील काही सामन्यांना मुकण्याची शक्यता
- Hardik Pandya's New Record: हार्दिक पांड्यानं ठोकलं षटकारांचं शतक, भारताच्या दिग्गज फलंदाजांना टाकलं मागं
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)