Eknath Shinde: विधानसभा निवडणुकीचं मैदान मारताच शिवसेनेची तातडीने बैठक; एकनाथ शिंदेंबाबत घेतला मोठा निर्णय
Eknath Shinde: विधिमंडळ पक्षाचे गटनेते, मुख्य प्रतोद, प्रतोद आणि इतर पदाधिकारी निवडण्याचे सर्वाधिकार एकनाथ शिंदे यांना देण्याचा निर्णय एकमताने संमत..
Maharashtra Vidhan Sabha Election Result 2024 मुंबई: महायुतीला 288 जागांपैकी 232 जागांवर विजय मिळवण्यात यश आले आहे. यामध्ये भाजप 135, शिवसेना शिंदे गट 57 आणि अजित पवारांच्या राष्ट्रवादी काँग्रेसला 41 जागा मिळाल्या आहेत. राज्यभरात एकनाथ शिंदेंच्या शिवसेनेने 81 जागा लढल्या. यामधून 57 जागांवर एकनाथ शिंदेंच्या उमेदवारांचा विजय झाला. विधानसभेत मिळालेल्या या यशानंतर शिवसेनेच्या कार्यकारणीच्या बैठकीत मोठा निर्णय घेण्यात आला आहे.
विधानसभा निवडणुकीत (Maharashtra Vidhan Sabha Nivadnuk Nikal 2024) घवघवीत यश मिळवल्यानंतर शिवसेनेच्या कार्यकारिणीची बैठक आज मुख्यमंत्री आणि पक्षाचे मुख्य नेते एकनाथ शिंदे (Eknath Shinde) यांच्या उपस्थितीत पार पडली. या बैठकीत मित्र पक्षासोबत चर्चा करण्याचे सर्वाधिकार एकनाथ शिंदे यांना देण्याचा निर्णय एकमताने घेण्यात आला.
शिवसेना कार्यकारणी बैठकीत मुख्यनेते एकनाथ शिंदे यांना सर्वांधिकार-
शिवसेनेच्या आमदारांसोबत व्हिडीओ कॉन्फरन्सिंगद्वारे पार पडलेल्या बैठकीत खासदार नरेश म्हस्के यांनी मित्र पक्षासोबत चर्चा करण्याचे सर्वाधिकार एकनाथ शिंदे यांना देण्याचा प्रस्ताव मांडला. तर सिद्धेश कदम यांनी शिवसेना विधिमंडळ पक्षाचे गट नेते, मुख्य प्रतोद, प्रतोद आणि इतर नेत्यांची निवड करण्याचे सर्वांधिकार मुख्य नेते एकनाथ शिंदे यांना देण्याचा प्रस्ताव मांडला. या बैठकीला ऑनलाइन उपस्थित असलेले आमदार आणि कार्यकरिणीतील इतर सर्व सदस्यांनी या दोन्ही प्रस्तावांना अनुमोदन देऊन याबाबतचे सर्वांधिकार एकनाथ शिंदे यांना देण्याचा निर्णय एकमताने घेतला.
एकनाथ शिंदेंच्या सर्व उमेदवारांचा निकाल-
अक्कलकुआ- आमश्या फलजी पाडवी- विजयी
साक्री- मंजुळाताई तुळशीराम गावित- विजयी
पाचोरा- किशोर (अप्पा) धनसिंग पाटील- विजयी
मुक्ताईनगर- चंद्रकांत निंबा पाटील- विजयी
बुलढाणा- संजय रामभाऊ गायकवाड- विजयी
रिसोड- भावना पुंडलीकराव गवळी- पराभूत
दर्यापूर- अभिजित आनंदराव अडसूळ- पराभूत
रामटेक- आशिष नंदकिशोर जैस्वाल- विजय
भंडारा- नरेंद्र भोजराज भोंडेकर- विजय
दिग्रस- संजय दुलीचंद राठोड- विजय
हदगाव- संभाराव उर्फ बाबुराव कदम कोहळीकर- विजयी
नांदेड उत्तर- बालाजी कल्याणकर- विजयी
कळमनुरी- संतोष लक्ष्मणराव बांगर- विजयी
छत्रपती संभाजीनगर पश्चिम- संजय पांडुरंग शिरसाट- विजयी
पैठण- विलास संदिपान भुमरे- विजयी
वैजापूर- रमेश नानासाहेब बोरनारे- विजयी
नांदगाव- सुहास द्वारकानाथ कांदे- विजयी
मालेगाव बाह्य- दादाजी दगडूजी भुसे- विजयी
जालना- अर्जुन खोतकर- विजयी
देवलाली- डॉ. राजश्री हरिषचंद्र अहिराव- पराभूत
पालघर- राजेंद्र धेड्या गावित- विजयी
बोईसर- विलास सुकुर तरे- विजयी
अंबरनाथ- बालाजी प्रल्हाद किणीकर-विजयी
कल्याण ग्रामीण- राजेश गोवर्धन मोरे- विजयी
ओवळा – माजीवाडा- प्रताप बाबूराव सरनाईक- विजयी
कोपरी – पाचपाखडी- एकनाथ संभाजी शिंदे- विजयी
मागाठाणे- प्रकाश राजाराम सुर्वे- विजयी
विक्रोळी- सुवर्णा सहदेव करंजे- पराभूत
भांडुप पश्चिम- अशोक धर्मराज पाटील- विजयी
जोगेश्वरी पूर्व- मनिषा रविंद्र वायकर- पराभूत
दिंडोशी- संजय ब्रिजकिशोर निरुपम- पराभूत
अंधेरी पूर्व- मूरजी कांनजी पटेल- विजयी
चांदिवली- दिलीप भाऊसाहेब लांडे- विजयी
मानखुर्द शिवाजीनगर- सुरेश पाटील- पराभूत
चेंबूर- तुकाराम रामकृष्ण काते- विजयी
कुर्ला- मंगेश अनंत कुडाळकर (अजा)- विजयी
धारावी- राजेश खंदारे- पराभूत
माहीम- सदा (सदानंद) शंकर सरवणकर- पराभूत
वरळी- मिलिंद मुरली देवरा- पराभूत
भायखळा- यामिनी यशवंत जाधव- पराभूत
मुंबादेवी- शायना मनिष चुडासामा मुनोट (शायना एन. सी.)- पराभूत
कर्जत- महेंद्र सदाशिव थोरवे- विजयी
अलिबाग- महेंद्र हरी दळवी- विजयी
महाड- भरतशेठ मारुती गोगावले- विजयी
पुरंदर- विजय सोपानराव शिवतारे- विजयी
संगमनेर- अमोल धोंडीबा खताळ- विजयी
श्रीरामपुर- भाऊसाहेब मल्हारी कांबळे- पराभूत
नेवासा- विठ्ठलराव वकिलराव लंघे पाटील- विजयी
उमरगा- ज्ञानराज धोंडीराम चौगुले- पराभूत
धाराशिव- अजित बाप्पासाहेब पिंगळे- पराभूत
परांडा- डॉ. तानाजी जयवंत सावंत- विजय
करमाळा- दिग्विजय बागल- पराभूत
बार्शी- राजेंद्र राऊत- पराभूत
सांगोला- शहाजी बापू राजाराम पाटील- पराभूत
कोरेगांव- महेश संभाजीराजे शिंदे- विजयी
पाटण- शंभूराज शिवाजीराव देसाई- विजयी
दापोली- योगेश रामदास कदम- विजयी
गुहागर- राजेश रामचंद्र बेंडल- पराभूत
रत्नागिरी- उदय रविंद्र सामंत- विजयी
राजापूर- किरण रविंद्र सामंत- विजयी
कुडाळ- निलेश नारायण राणे- विजयी
सावंतवाडी- दीपक वसंतराव केसरकर- विजयी
राधानगरी- प्रकाश आनंदराव आबिटकर- विजयी
करवीर- चंद्रदिप शशिकांत नरके- विजयी
कोल्हापुर उत्तर- राजेश विनायक क्षिरसागर- विजयी
खानापूर- सुहास अनिल बाबर- विजयी
हातकंगणले- (सहयोगी पक्ष) अशोक माने- विजयी
शिरोळ(सहयोगी पक्ष)- राजेंद्र येड्रावकर- विजयी
संबंधित बातमी:
महत्त्वाच्या बातम्या
ट्रेंडिंग न्यूज
