एक्स्प्लोर

एमएस धोनीचा 'रॉकेट थ्रो'; अनुज रावतही पाहतच बसला, Video एकदा पाहाच!

CSK Vs RCB: आयपीएल 2024 सुरू होण्यापूर्वी एमएस धोनीने चेन्नईचे कर्णधारपद सोडण्याची घोषणा केली होती. त्यानंतर ऋतुराज गायकवाडकडे संघाची कमान सोपवण्यात आली होती.

Written By : मुकेश चव्हाण | Updated at : 23 Mar 2024 09:27 AM (IST)

MS Dhoni

Source : IPL

CSK Vs RCB: एमएस धोनीचा (MS Dhoni) आजही दबदबा कायम आहे. वयाच्या 42 व्या वर्षीही धोनीच्या फिटनेसशी कोणी बरोबरी करु शकत नाही हे आरसीबीविरुद्धच्या सामन्यात दिसून आले. यष्टिरक्षक म्हणून धोनीने केवळ धावा वाचवल्या नाहीत तर दोन शानदार झेलही घेतले. तसेच डावाच्या शेवटच्या चेंडूवर त्याने अनुज रावतला शानदार धावबाद करून पॅव्हेलियनचा रस्ता दाखवला.

एमएस धोनीने पाचव्या षटकात रजत पाटीदारचा आणि सहाव्या षटकात ग्लेन मॅक्सवेलचा विकेटच्या मागे शानदार झेल घेतला. यानंतर त्याने आरसीबीच्या डावातील शेवटच्या षटकांत अनुज रावतला धावबाद केले. शेवटचा चेंडू जो पाचव्या स्टंपवर फुलर बॉल होता, दिनेश कार्तिकने तो कव्हरच्या दिशेने चालवण्याचा प्रयत्न केला, पण तो चुकला आणि त्याला एक धावा घ्यायची होती. मात्र विकेटच्या मागे असलेल्या धोनीने चेंडू पकडून लगेच तो विकेटच्या दिशेने फेकला आणि अनुज रावतला बाहेरचा रस्ता दाखवला.

𝗗𝗢 𝗡𝗢𝗧 𝗠𝗜𝗦𝗦!

Just MSD things! 👏 👏

Watch It Here 🎥 🔽 #TATAIPL | #CSKvRCB | @msdhoni | @ChennaiIPL
— IndianPremierLeague (@IPL) March 22, 2024

ऋतुराज गायकवाडकडे संघाची कमान-

आयपीएल 2024 सुरू होण्यापूर्वी एमएस धोनीने चेन्नईचे कर्णधारपद सोडण्याची घोषणा केली होती. त्यानंतर ऋतुराज गायकवाडकडे संघाची कमान सोपवण्यात आली होती. मात्र, धोनीचे नेतृत्व सामन्यादरम्यान सातत्याने पाहायला मिळाले, तेव्हा तो क्षेत्ररक्षणातही बदल करताना दिसला.

चेन्नईने आरसीबीचा केला पराभव-

आरसीबी संघाने नाणेफेक जिंकून चेन्नईसमोर विजयासाठी 174 धावांचे लक्ष्य ठेवले होते. एकेकाळी 78 धावांच्या स्कोअरवर आरसीबी संघाने पाच विकेट गमावल्या होत्या, फाफ डू प्लेसिसने 23 चेंडूत 35 धावा केल्या होत्या आणि विराट कोहलीने 21 धावा केल्या होत्या, तर रजत पाटीदार आणि ग्लेन मॅक्सवेल यांना खातेही उघडता आले नाही. कॅमेरून ग्रीनने 18 धावांचे योगदान दिले. पाच गडी बाद झाल्यानंतर, अनुज रावत आणि दिनेश कार्तिक यांनी सहाव्या विकेटसाठी 95 धावांची भागीदारी केली, ज्यामुळे संघ 173 धावांपर्यंत पोहोचू शकला. अनुज रावतने 25 चेंडूत 48 तर दिनेश कार्तिकने 26 चेंडूत नाबाद 38 धावा केल्या.

CSK Vs RCB: 'दोन-तीन गोष्टींवर काम करायचंय'; सामना जिंकल्यानंतरही ऋतुराज नाखुश, नेमकं काय म्हणाला?

IPL 2024: 18 मार्चला स्ट्रेचरवरुन मैदानाबाहेर गेला, 4 दिवसांनी परतला अन् चेन्नईला विजय मिळवून दिला

PBKS vs DC Score Live IPL 2024: दिल्ली कॅपिटल्स आज पंजाब किंग्सविरुद्ध भिडणार; ऋषभ पंतकडे चाहत्यांचं लक्ष

About the author मुकेश चव्हाण

मुकेश अजित चव्हाण, हे मुळेचे दक्षिण मुंबईकर असून डिजिटल पत्रकारितेच्या क्षेत्रात सुमारे ९ वर्षांचा अनुभव असलेले पत्रकार असून, सध्या ABP माझा डिजिटल विभागात कॉपी एडिटर म्हणून कार्यरत आहेत. महाराष्ट्र टाइम्समधून त्यांनी आपल्या ऑनलाइन पत्रकारितेच्या प्रवासाला सुरुवात केली. त्यानंतर लोकमतमध्ये सुमारे ५ वर्षे सीनियर एक्झिक्युटिव्ह म्हणून काम करताना त्यांनी डिजिटल न्यूज क्षेत्रातील अनुभव आणि कौशल्य अधिक विकसित केले. गेल्या ३ वर्षांपासून ते ABP माझाच्या डिजिटल विभागात कार्यरत आहेत.

मुंबईतील माटुंगा येथील रुईया महाविद्यालयातून त्यांनी पत्रकारितेची पदवी प्राप्त केली आहे. राजकीय, गुन्हेगारी आणि क्रीडा विषयक बातम्यांमध्ये त्यांना विशेष रुची आहे. एखादी महत्त्वाची घटना किंवा विशेष कार्यक्रम घडल्यास त्याचे विविध पैलू, वेगवेगळे दृष्टिकोन आणि बातमीमूल्य लक्षात घेऊन आशयपूर्ण व प्रभावी बातम्या तयार करण्यावर त्यांचा भर असतो.

देश-विदेशातील घडामोडींवर लक्ष ठेवणे, महत्त्वाच्या बातम्यांचे संपादन करणे, बातम्यांचे विविध अँगल शोधणे तसेच सकाळच्या शिफ्टची जबाबदारी सांभाळणे, अशा विविध जबाबदाऱ्या ते पार पाडतात. वेगवान डिजिटल पत्रकारितेत बातम्यांची अचूकता, सादरीकरण, वेळेचे व्यवस्थापन आणि वाचकांपर्यंत महत्त्वाची माहिती प्रभावीपणे पोहोचवण्यावर त्यांचा विशेष भर आहे.

Published at : 23 Mar 2024 09:14 AM (IST)

Tags :

CSK IPL MS DHONI