मॉडलिंग, अभिनय ते 'डीजे वाले बाबू'ची हिरोईन; हार्दिक पांड्याची पत्नी नताशा किती कोटींची मालकीण?

नताशा स्टॅनकोविक आणि हार्दिक पांड्या यांच्या नात्याविषयी अनेक चर्चा होत आहेत. नताशा ही कोट्यवधी रुपयांची मालकीण आहे.

natasa stankovic wealth (फोटो सौजन्य- इन्स्टाग्राम)

मुंबई : सध्या क्रिकेटपटू हार्दिक पांड्या (Hardik Pandya) आणि त्याची पत्नी नताशा स्टॅनकोविक (Natasa Stankovic) यांच्या नात्याबद्दल वेगवेगळ्या चर्चा होत आहेत. लवकरच ते घटस्फोट घेणार आहेत, असंही बोललं जातंय. एकीकडे या चर्चा चालू असताना दुसरीकडे नताशा तिच्या इन्स्टाग्रावर वेगवेगळ्या सूचक स्टोरीज अपलोड करत आहे. याच पार्श्वभूमीवर नताशा नेमकी कोण आहे? तिच्याकडे नेमकी किती संपत्ती आहे? ती अगोदर काय करायची? असे विचारले जात आहे. 

नताशा स्टॅनकोविक कोट्यवधीची मालकीण

नताशा आणि हार्दिक यांचा घटस्फोट झालाच तर हार्दिकची किती संपत्ती नताशाला मिळणार? असंही विचारलं जातंय. या दाम्पत्याचा घटस्फोट होणार का? याबाबत अद्याप कोणतीही स्पष्टता नाही. हार्दिक आणि नताशा या दोघांनीदेखील यावर कोणतंही भाष्य केलेलं नाही. मात्र घटस्फोटाच्या चर्चेमुळे नताशाकडे एकूण किती संपत्ती आहे, असं विचारलं जातंय. खरं म्हणजे नताशा करोडपती असल्याचं सांगितलं जातं. नताशा ही एक सायबेरीयन मॉडेल आहे. हार्दिक आणि नताशा या दोघांनी 2020 साली लग्नगाठ बांधली.

नताशा नेमकं काय करते? 

नताशा एक मॉडेल आहे. तिने 2012 मध्ये भारतात तिचे मॉडेलिंगचे करिअर चालू केले. अभिनेता अजय देवगन मुख्य भूमिकेत असलेल्या सत्याग्रह या चित्रपटाच्या माध्यमातून तिने अभिनय क्षेत्रात पदार्पण केले. 2014 सालच्या बिग बॉसच्या पर्वातही नताशा स्पर्धक होती. 28 दिवसांनंतर ती बिग बॉसच्या घरातून बाहेर पडली होती. नताशाने अनेक चित्रपटात आयटम साँगमध्ये तसेच सहकलाकार म्हणून काम केलेले आहे. 2019 सालच्या नच बलिये या टीव्ही शोमध्येही तिने सहभाग घेतला होता. रॅपर बादशाहच्या 'डीजे वाले बाबू' या म्यूझिक व्हिडीओमध्येही नताशाने अभिनय केलेला आहे. 

नताशाची संपत्ती नेमकी किती? 

नताशा स्टॅनकोविक ही 32 वर्षांची आहे. ती मॉडेलिंग, अभिनयासह अनेक ब्रँड्सची जाहिरातही करते. अनेक जाहिरातींमध्येही तिने अभिनय केलेला आहे. स्पोर्ट तक या क्रीडाविषयक वृत्तसंकेतस्थळानुसार नताशाची एकूण संपत्ती ही 20 कोटी रुपये आहे. नताशा आणि हार्दिक या दोघांची 2018 साली एका पार्टीमध्ये भेट झाली होती. 

नताशा-हार्दिक यांच्याकडे महागड्या गाड्या

नताशा आणि हार्दिक पांड्या यांच्याकडे महागड्या गाड्या आहेत. यामध्ये लँबोर्गिनी हुराकॅन (चार कोटी), ऑडी ए-6 (70 लाख), मर्सिडिज-एएमजी-जी-63 (2.20 कोटी), लँडरोव्हर रेंज रोव्हर (2.30 कोटी) अशा गाड्यांचा समावेश आहे. हार्दिक आणि नताशा यांनी 14 फेब्रुवारी 2023 रोजी राजस्थानमध्ये उदयपूर येथे पुन्हा एकदा लग्न केले होते.  

हेही वाचा :