(Source: ECI/ABP News/ABP Majha)
Natasa Stankovic : कुणीतरी रस्त्यावर येणार... नताशा स्टॅनकोविकची सूचक इन्स्टाग्राम स्टोरी, नेमका रोख कुणाकडे?
Hardik Pandya Natasa Stankovic : हार्दिक पांड्या आणि नताशा स्टॅनकोविक यांच्या घटस्फोटाच्या चर्चा सुरु आहेत. या दरम्यान नताशा स्टॅनकोविकची इन्स्टाग्राम स्टोरी चर्चेत आहे.
मुंबई : मुंबई इंडियन्सचा (Mumbai Indians) कॅप्टन हार्दिक पांड्या (Hardik Pandya) याची पत्नी नताशा स्टॅनकोविक (Natasa Stankovic) हिची इन्स्टाग्राम स्टोरी चर्चेत आहे. नताशा स्टॅनकोविक आणि हार्दिक पांड्या यांच्या घटस्फोटाच्या चर्चा सुरु आहेत. नताशा स्टॅनकोविकनं वाहतूक चिन्हांचा फोटो इन्स्टाग्राम स्टोरीला ठेवला असून त्यावर कुणीतरी रस्त्यावर येणार अशा आशयाचं इंग्रजी वाक्य ठेवलं आहे.
हार्दिक पांड्या आणि नताशा स्टॅनकोविक यांच्या घटस्फोटांच्या चर्चांना सुरुवात Reddit वरील एका पोस्टनंतर सुरु झाली होती. आता त्या चर्चांनी वेग घेतलेला आहे. नताशा स्टॅनकोविकनं तिच्या इन्स्टाग्राम अकाऊंटमधून पांड्या हे नाव वगळलं होतं. नताशा स्टॅनकोविकनं पांड्या हे नाव वगळलं असलं तरी तिचे आणि हार्दिक पांड्याचे काही फोटो तिच्या अकाऊंटवर अजूनही उपलब्ध आहेत. आता तिनं इन्स्टाग्राम स्टोरीमधून सूचक इशारा दिल्याचा अंदाज व्यक्त केला जातोय.
हार्दिक पांड्या आण नताशा स्टॅनकोविक हे दोघे 31 मे 2020 रोजी विवाहबद्ध झाले होते. हार्दिक पांड्यानं नताशाला 20 जानेवारी 2020 प्रपोझ केलं होतं. हार्दिक आणि नताशा यांना अगस्त्य नावाचा मुलगा आहे. 30 जुलै 2020 रोजी त्याचा जन्म झाला होता.
हार्दिक पांड्याचा जुना व्हिडीओ व्हायरल
हार्दिक पांड्याला नताशा स्टॅनकोविकला पोटगी म्हणून त्याच्या संपत्तीच्या 70 टक्के संपत्ती द्यावी लागेल, अशा चर्चा सुरु होत्या. त्यानंतर हार्दिक पांड्याचा एक जुना व्हिडीओ व्हायरल झाला आहे. हार्दिक पांड्या त्यामध्ये त्याची संपत्ती आणि कार त्याच्या आईच्या नावावर असल्याचं म्हणत आहे.
नताशा स्टॅनकोविक मुंबईत
नताशा स्टॅनकोविक आणि हार्दिक पांड्याच्या घटस्फोटाच्या चर्चा सुरु असताना ती आज मुंबईत दिसून आली. नताशा आणि तिचा मित्र अॅलेक्झांडर अॅलेक्स इलिक सोबत ती आढळून आली. यावेळी तिला घटस्फोटांच्या चर्चांबाबत विचारण्यात आलं असता तिनं याबाबत अधिक भाष्य केलं नाही. नताशा आणि तिचा मित्र एका कॅफेत जाताना दिसले.
नताशा स्टॅनकोविक आणि हार्दिक पांड्या यांच्यातील घटस्फोटाच्या चर्चा सुरु असताना तिनं केलेली इन्स्टाग्राम स्टोरी चर्चेत आहे. मुंबई इंडियन्सची आयपीएलमधील कामगिरी खराब झाल्यानंतर प्रेक्षकांनी तिला धमकी देखील दिली होती.
दरम्यान, आतापर्यंत नताशा स्टॅनकोविक किंवा हार्दिक पांड्या या दोघांनी घटस्फोटावर अधिकृतपणे भाष्य केलेलं नाही. सध्या घटस्फोटावर केवळ चर्चा सुरु आहेत.
संबंधित बातम्या :
महत्त्वाच्या बातम्या
ट्रेंडिंग न्यूज
