RCB vs CSK : आरसीबीसाठी 18 मे तारीख लकी ठरलेय, याच दिवशी चारवेळा विजय, इतिहास काय सांगतो, चेन्नईचं टेन्शन वाढणार?

RCB vs CSK : रॉयल चॅलेंजर्स बंगळुरु आणि चेन्नई सुपर किंग्ज आज आमने सामने येणार आहेत. प्लेऑफमधील चौथा संघ आजच्या मॅचच्या निकालावर ठरणार आहे.

रॉयल चॅलेंजर्स बंगळुरु

आयपीएलमध्ये आज चेन्नई सुपर किंग्ज आणि रॉयल चॅलेंजर्स बंगळुरु आमने सामने येणार आहेत. आजच्या मॅचच्या निकालावर प्लेऑफचं तिकीट कुणाला मिळणार हे निश्चित होणार आहे.

रॉयल चॅलेंजर्स बंगळुरु आयपीएलच्या आतापर्यंतच्या प्रवासात 18 मे दिवशी एकदाही पराभूत झालेली नाही. आज आरसीबी विजयाची पुनरावृत्ती करणार का हे पाहावं लागेल.

आरसीबीनं चेन्नऊ सुपर किंग्जला याच दिवशी 18 मे 2013 रोजी पराभूत केलं होतं.

आरसीबीनं पुढील वर्षी देखील म्हणजेच 18 मे 2014 रोजी चेन्नई सुपर किग्जला आरसीबीनं पुन्हा एकदा पराभूत केलं होतं.

2016 मध्ये आरसीबीनं विजयाचा हाच ट्रेंड कायम ठेवला होता. त्यावेळी त्यांनी किंग्ज इलेव्हन पंजाबला पराभूत केलं होतं.

आरसीबीनं 2023 च्या आयपीएलमध्ये देखील 18 मे रोजी सनरायजर्स हैदराबादला पराभूत केलं होतं. आज चेन्नई सुपर किंग्जवर आरसीबीवर विजय मिळवणार की आरसीबी 18 मेच्या विजयाचा ट्रेंड कायम ठेवणार हे पाहावं लागेल.