कोहलीचा विराट इतिहास! IPL मध्ये सर्वाधिक शतकांची नोंद

गुजरातविरोधात विराट कोहलीने शतकाला गवसणी घातली. विराट कोहलीचे यंदाच्या हंगामातील दुसरे शतक झळकावले. तर आयपीएलच्या करिअरमधील विराट कोहलीचे सातवे शतक होय.

IPL 2023,VIRAT KOHLI

Virat Kohli, IPL 2023 : विराट कोहली याने लागोपाठ दुसऱ्या सामन्यात शतकाला गवसणी घातली आहे. हैदराबादविरोधात विराट कोहलीने शतक झळकावले होते. आज मोक्याच्या क्षणी विराट कोहलीने पुन्हा एकदा शतकी खेळी केली आहे.

विराट कोहली याने पहिल्या चेंडूपासूनच वादळी फलंदाजी केली. विराट कोहली याने सुरुवातीला संयमी फलंदाजी करत डावाला आकार दिला. त्यानंतर आक्रमक फलंदाजी करत शतकाला गवसणी घातली.

विराट कोहलीने 61 चेंडूत नाबाद 101 धावांची खेळी केली. या खेळीत विराट कोहलीने 13 चौकार आणि एक षटकार लगावला.

विराट कोहलीच्या शतकी खेळीच्या बळावर आरसीबीने 197 धावांपर्यंत मजल मारली. याने 166 च्या स्ट्राईक रेटने धावांचा पाऊस पाडला.

आयपीएलमध्ये सर्वाधिक शतक झळकावण्याचा विक्रम विराट कोहलीच्या नावावर जमा झालाय. विराट कोहलीने आयपीएलमध्ये सात शतके झळकावली आहेत. विराट कोहलीने ख्रिस गेल याचा विक्रम मोडीत काढलाय. युनिवर्स बॉस ख्रिस गेलच्या नावावर सहा शतकांची नोंद आहे. तर जोस बटलर पाच शतकासह तिसऱ्या क्रमांकावर आहे.