एक्स्प्लोर

IPL 2023, GT vs DC : अमन खानचं अर्धशतक, दिल्लीचं गुजरातला 131 धावांचं आव्हान; शमीनं घेतलं चार बळी

GT vs DC, 1st Innings Highlights : दिल्ली कॅपिटल्सने (Delhi Capital) गुजरात टायटन्स (Gujrat Titans) संघाला 131 धावांचं आव्हान दिलं आहे.

By : एबीपी माझा स्पोर्ट्स डेस्क | Updated at : 02 May 2023 09:53 PM (IST)

IPL 2023 GT vs DC 1st Innings Highlights

1/11

दिल्लीने नाणेफेक जिंकून पहिल्यांदा फलंदाजीचा निर्णय घेतला. पहिल्यांदा फलंदाजी करताना दिल्ली संघाने 20 षटकात आठ गडी गमावून 130 धावा केल्या.

2/11

दिल्लीचे फलंदाज गुजरातच्या गोलंदाजांच्या जाळ्यात पुरते अडकले. गुजरातचा फलंदाज मोहम्मद शमीनं दिल्लीच्या चार खेळाडूंनी तंबूत पाठवलं.

3/11

दिल्ली संघाने सात षटकांत पाच गडी गमावून 32 धावा केल्या आहेत. दिल्लीला पाचव्या षटकात पाचवा धक्का बसला. शमीने प्रियम गर्गला यष्टिरक्षक साहाकरवी झेलबाद केले.

4/11

प्रियमला 14 चेंडूत 10 धावा करता आल्या. शमीला चौथी विकेट मिळाली. यापूर्वी त्याने फिलिप सॉल्ट, रिले रुसो आणि मनीष पांडे यांना पॅव्हेलियनमध्ये पाठवले होते.

5/11

पॉवरप्ले म्हणजे दिल्लीची धावसंख्या पहिल्या सहा षटकांत 28 धावांत पाच विकेट्स अशी होती. पॉवरप्लेमध्ये संघाने पाच विकेट गमावण्याची यंदाच्या मोसमातील ही पहिलीच वेळ आहे.

6/11

शमीने चार षटकांचा कोटा पूर्ण केला. त्याने चार षटकांत 11 धावा देऊन चार बळी घेतले.

7/11

पहिल्या 6 षटकात दिल्लीचा अर्धा संघ तंबूत परतला. दिल्ली कॅपिटल्स संघाचा डाव सांभाळण्याची जबाबदारी अमन हकीम खान आणि अक्षर पटेल यांनी घेतली. दोघांनी मिळून 10 षटकांत धावसंख्या 58 धावांपर्यंत नेली.

8/11

यानंतर दोघांमध्ये सहाव्या विकेटसाठी 54 चेंडूत 50 धावांची भागीदारी केली. अक्षर पटेलच्या रूपाने 73 धावांवर दिल्लीला सहावा धक्का बसला. अक्षर 30 चेंडूत 27 धावांची खेळी करून पॅव्हेलियनमध्ये परतला.

9/11

यानंतर अमन हकीम खानला रिपल पटेलची साथ मिळाली. दोघांनी गुजरातच्या गोलंदाजांवर थोडा दबाव टाकण्याचाही प्रयत्न केला. यावेळी दिल्ली संघाने 17 व्या षटकात 100 धावांचा टप्पा पार केला.

10/11

यानंतर अमन डावाच्या 19 व्या षटकात 44 चेंडूत 51 धावांची खेळी करून पॅव्हेलियनमध्ये परतला. अमन आणि रिपल यांच्यात सातव्या विकेटसाठी 27 चेंडूत 53 धावांची भागीदारी झाली.

11/11

या सामन्यात रिपल पटेलने 23 धावांची खेळी केली, तर दिल्ली कॅपिटल्सने 20 षटकांत 8 गडी गमावून 130 धावा केल्या. गुजरातकडून मोहम्मद शमीने 4 तर मोहित शर्माला 2 आणि राशिद खानला 1 बळी मिळाला.

Published at : 02 May 2023 09:53 PM (IST)

Tags :

Delhi Capitals Indian Premier League DC Narendra Modi Stadium GT Gujrat Titans GT Vs DC IPL IPL 2023