India Squad For Champions Trophy Live : तब्बल 14 महिन्यांनी टीम इंडियाच्या तोफेची वापसी, बुम बुम बुमराह सुद्धा फिट; चॅम्पियन्स ट्रॉफीसाठी कोणाकोणाला मिळाली संधी?
India Squad For Champions Trophy Live : ऑस्ट्रेलियाविरुद्ध नुकत्याच झालेल्या सिडनी कसोटीदरम्यान बुमराहच्या पाठीच्या स्नायूंमध्ये ताण आला होता, फिजिओ त्याच्या फिटनेसवर लक्ष ठेवून आहेत.
India Squad For Champions Trophy : चॅम्पियन्स ट्रॉफीसाठी टीम इंडियाची घोषणा करण्यात आली असून टीम इंडियाची तोफ मोहम्मद शमी आणि जसप्रित बुमराहची संघात वापसी झाली आहे. टीम इंडियाची रोहित शर्माच्या नेतृत्वात घोषणा मुंबईत करण्यात आली. ICC चॅम्पियन्स ट्रॉफी 2025 19 फेब्रुवारीपासून सुरू होत आहे. यावेळी ही स्पर्धा 'हायब्रीड मॉडेल' अंतर्गत पाकिस्तान आणि दुबईमध्ये खेळवली जाणार आहे. या स्पर्धेतील पहिला सामना यजमान पाकिस्तान आणि न्यूझीलंड यांच्यात कराची येथे होणार आहे. तर भारतीय संघ 20 फेब्रुवारी रोजी दुबई आंतरराष्ट्रीय क्रिकेट स्टेडियमवर बांगलादेशविरुद्ध पहिला सामना खेळणार आहे. ऑस्ट्रेलियाविरुद्ध नुकत्याच झालेल्या सिडनी कसोटीदरम्यान बुमराहच्या पाठीच्या स्नायूंमध्ये ताण आला होता, त्यामुळे दुसऱ्या डावात तो गोलंदाजी करू शकला नाही. त्याला कामाचा ताण कमी करण्याचा सल्ला देण्यात आला असून फिजिओ त्याच्या फिटनेसवर लक्ष ठेवून आहेत.
असा आहे भारतीय संघ
रोहित शर्मा (कॅप्टन), शुभमन गिल (उपकॅप्टन), विराट कोहली, श्रेयस अय्यर, केएल राहुल, अक्सर पटेल, हार्दिक पांड्या, वाॅशिंग्टन सुंदर, कुलदीप यादव, जसप्रित बुमराह, मोहम्मद शमी, अर्शदीप सिंग, यशस्वी जैस्वाल, रिषभ पंत आणि रविंद जडेजा
INDIA'S SQUAD FOR CHAMPIONS TROPHY AND ENGLAND ODI SERIES:
— Mufaddal Vohra (@mufaddal_vohra) January 18, 2025
Rohit (C), Gill (VC), Kohli, Iyer, KL Rahul, Hardik, Axar, Sundar, Kuldeep, Bumrah*, Shami, Arshdeep, Jaiswal, Pant and Jadeja.
*Harshit Rana will play the ODI series. pic.twitter.com/rbKwiDpLAF
प्रत्येक गटातील टॉप-2 संघ उपांत्य फेरीसाठी पात्र ठरतील
चॅम्पियन्स ट्रॉफी 2025 मध्ये 8 संघांमध्ये एकूण 15 सामने होणार आहेत. संघांची 2 गटात विभागणी करण्यात आली आहे. भारत आणि पाकिस्तान एकाच गट-अ मध्ये आहेत. त्यांच्यासह उर्वरित दोन संघ न्यूझीलंड आणि बांगलादेश आहेत. तर दक्षिण आफ्रिका, ऑस्ट्रेलिया, अफगाणिस्तान आणि इंग्लंड यांना ब गटात ठेवण्यात आले आहे. सर्व 8 संघ आपापल्या गटात 3-3 सामने खेळतील. यानंतर, प्रत्येक गटातील टॉप-2 संघ उपांत्य फेरीसाठी पात्र ठरतील. पहिला उपांत्य सामना दुबईत, तर दुसरा लाहोरमध्ये होणार आहे. यानंतर अंतिम सामना खेळवला जाईल. अशा परिस्थितीत जर एखादा संघ अंतिम फेरीत पोहोचला तर तो स्पर्धेत एकूण 5 सामने खेळेल.
चॅम्पियन्स ट्रॉफी गट
अ गट - पाकिस्तान, भारत, न्यूझीलंड, बांगलादेश
ब गट - दक्षिण आफ्रिका, ऑस्ट्रेलिया, अफगाणिस्तान, इंग्लंड
चॅम्पियन्स ट्रॉफीचे संपूर्ण वेळापत्रक...
19 फेब्रुवारी- पाकिस्तान विरुद्ध न्यूझीलंड, कराची
20 फेब्रुवारी- बांगलादेश विरुद्ध भारत, दुबई
२१ फेब्रुवारी- अफगाणिस्तान विरुद्ध दक्षिण आफ्रिका, कराची
22 फेब्रुवारी- ऑस्ट्रेलिया विरुद्ध इंग्लंड, लाहोर
23 फेब्रुवारी- पाकिस्तान विरुद्ध भारत, दुबई
24 फेब्रुवारी- बांगलादेश विरुद्ध न्यूझीलंड, रावळपिंडी
25 फेब्रुवारी- ऑस्ट्रेलिया विरुद्ध दक्षिण आफ्रिका, रावळपिंडी
26 फेब्रुवारी- अफगाणिस्तान विरुद्ध इंग्लंड, लाहोर
27 फेब्रुवारी- पाकिस्तान विरुद्ध बांगलादेश, रावळपिंडी
28 फेब्रुवारी- अफगाणिस्तान विरुद्ध ऑस्ट्रेलिया, लाहोर
1 मार्च - दक्षिण आफ्रिका विरुद्ध इंग्लंड, कराची
2 मार्च- न्यूझीलंड विरुद्ध भारत, दुबई
4 मार्च- उपांत्य फेरी-1, दुबई
5 मार्च- उपांत्य फेरी-2, लाहोर
9 मार्च - फायनल, लाहोर (भारत अंतिम फेरीत पोहोचल्यास दुबईमध्ये खेळला जाईल)
10 मार्च- राखीव दिवस.
इतर महत्वाच्या बातम्या
महत्त्वाच्या बातम्या
