IND vs AFG : अफगाणिस्तानच्या स्पिनर्सला हलक्यात घेणं भारताला महागात पडू शकतं, राशिद खान रोहित - विराटची डोकेदुखी वाढवणार?

T20 World Cup 2024 : भारत आणि अफगाणिस्तान यांच्यात सुपर 8 मधील पहिली मॅच 20 जूनला होणार आहे. अफगाणिस्तानचे दोन खेळाडू भारताचं टेन्शन वाढवू शकतात.

अफगाणिस्तानचे स्पिनर्स वाढवणार भारताचं टेन्शन?

भारत आणि अफगाणिस्तान यांच्यातील सुपर 8 मधील मॅच बारबाडोसमध्ये होणार आहे. टीम इंडिया बारबाडोसमध्ये दाखल झाली आहे.

भारताकडून रोहित शर्मा आणि विराट कोहली डावाची सुरुवात करत आहेत. वेस्ट इंडिजमधील खेळपट्ट्या स्पिनर्सना फायदेशीर ठरण्याची शक्यता आहे.

अफगाणिस्तानच्या संघातील राशिद खान आणि मुजीब उर रहमान यांनी टी 20 वर्ल्ड कप 2024 मध्ये दमदार कामगिरी केली आहे.

राशिद खान आयपीएलमध्ये खेळतो त्यामुळं भारतीय संघातील खेळाडूंबाबत त्याला माहिती आहे. राशिद खाननं युगांडा विरुद्ध 2 तर मुजीबनं एक विकेट घेतली होती.

राशिद खाननं न्यूझीलंड विरुद्ध 4 विकेट घेतल्या होत्या. मोहम्मद नबी, मुजीब उर रहमान, राशिद खान हे तिघे भारतीय संघाचं टेन्शन वाढवू शकतात.

भारतीय संघात कुलदीप यादव, युजवेंद्र चहल, रवींद्र जडेजा आणि अक्षर पटेल हे चार स्पिनर्स आहेत त्यापैकी रवींद्र जडेजा आणि अक्षर पटेलला संधी मिळालेली आहे.