बीडमधील शरद पवारांचा आमदार मातोश्रीवर, उद्धव ठाकरेंची घेतली भेट; फोटो आले समोर

राज्यात सत्तास्थापनेच्या हालचाली गतीमान झाल्या असून सर्वच आमदार मुंबईच्या दिशेने वाट धरत आहेत. राष्ट्रवादी काँग्रेस शरद पवार पक्षाने आणि शिवसेना युबीटीने आज आमदारांची बैठक घेतली.

Beed MLA Sandip kshirsagar meet uddhav Thackeray

राज्यात सत्तास्थापनेच्या हालचाली गतीमान झाल्या असून सर्वच आमदार मुंबईच्या दिशेने वाट धरत आहेत. राष्ट्रवादी काँग्रेस शरद पवार पक्षाने आणि शिवसेना युबीटीने आज आमदारांची बैठक घेतली.

मुंबईत या दोन्ही पक्षांच्या प्रमुखांनी विजयी व पराभूत आमदारांशी संवाद साधला. त्यावेळी, ईव्हीएम घोळावरुन सर्वच पराभूत आमदारांनी रणकंदन उठवल्याचं पाहायला मिळालं.

त्यातच, या बैठकीसाठी मुंबईत आले्लया बीड विधानसभा मतदारसंघातून विजयी झालेले आमदार संदीप क्षीरसागर यांनी आज मातोश्रीवर जाऊन शिवसेना युबीटी प्रमुख उद्धव ठाकरे यांची भेट घेतली.

आज शिवसेना (उद्धव बाळासाहेब ठाकरे) पक्षाचे पक्षप्रमुख, महाराष्ट्राचे माजी मुख्यमंत्री उद्धव बाळासाहेब ठाकरे यांची मातोश्री निवासस्थानी भेट घेवून आशीर्वाद घेतले. यावेळी त्यांनी आशीर्वाद व शुभेच्छा दिल्या, असे संदीप क्षीरसागर यांनी म्हटलं.

नुकत्याच वांद्रे पूर्व विधानसभा मतदारसंघातून निवडून आलेले नवनिर्वाचित आमदार व युवासेनेचे नेते वरुण सरदेसाई यांची देखील भेट झाली, असेही क्षीरसागर यांनी सांगितलं.

दरम्यान, बीड विधानसभा मतदारसंघात संदीप क्षीरसागर विरुद्ध योगेश क्षीरसागर यांच्यात थेट लढत झाली. त्यामध्ये, संदीप क्षीरसागर यांनी बाजी मारली.

दरम्यान, संदीप क्षीरसागर यांनी मातोश्री बंगल्यावर शिवसेनाप्रमुख दिवंगत बाळासाहेब ठाकरे यांच्या स्मृतीलाही वंदन केले. त्यांच्या आसनस्थ असलेल्या खुर्चीसमोर उभा राहून दर्शन घेतल्याचे फोटोही शेअर केले आहेत