Natasa Stankovic : मुंबईत येताच नताशा गेली 'या' खास व्यक्तीला भेटण्यासाठी, अफेअरच्या रंगल्या चर्चा, कोण आहे तो?

Natasa Stankovic Return Mumbai : नताशा नुकतीच सर्बियाहून मुंबईत परतली आहे. मुंबईत येताच ती तिच्या जुन्या मित्राला भेटली, पण....

Natasa Stankovic

भारतीय क्रिकेट संघाचा अष्टपैलू खेळाडू हार्दिक पंड्याची एक्स पत्नी नताशा स्टॅनकोविक सध्या मुंबईत दिसत आहे.

खंरतर, नुकताच हार्दिक पांड्या आणि त्याचा घटस्फोट झाला. घटस्फोटाच्या दुसऱ्याच दिवशी ती भारत सोडून मुलगा अगस्त्यसोबत सर्बियाला गेली होती.

तिकडे गेल्यानंतर नताशा आणि अगस्त्यचे मस्ती करतानाचे व्हिडिओ सोशल मीडियावर अनेकदा पाहायला मिळतात.

नताशा नुकतीच सर्बियाहून मुंबईत परतली आहे. मुंबईत येताच ती तिच्या जुन्या मित्राला भेटली, एवढेच नाही तर त्यांनी एकत्र सेल्फीही शेअर केला. नताशा अद्याप हार्दिकला भेटलेली नाही.

नताशा बऱ्याच दिवसांनी मुंबईत आली आहे. तिचा एक खास व्हिडीओ समोर आला होता, ज्याला पाहून असे वाटत होते की ती शूटसाठी आली आहे. दरम्यान, नताशाने अलेक्झांडरसोबत वर्कआउट सेल्फी शेअर केला आहे.

एकेकाळी नताशा आणि अलेक्झांडरच्या अफेअरच्या बातम्या चर्चेत होत्या. घटस्फोटाच्या अफवांमध्येही नताशा स्टॅनकोविच एका हॉटेलबाहेर अलेक्झांडर ॲलेक्ससोबत स्पॉट झाली होती. त्यानंतर लोकांनी या दोघांची नावे एकमेकांशी जोडण्यास सुरुवात केली.

नताशा आणि हार्दिकचा घटस्फोट अलेक्झांडरमुळेच झाल्याचेही सोशल मीडिया यूजर्सने म्हटले आहे. मात्र, या गोष्टींमध्ये किती तथ्य आहे हे नताशाच सांगू शकते.