Rohit Sharma : रोहित शर्मा श्रीलंकेविरुद्धच्या विजयासाठी भाकरी फिरवणार, रिषभ पंतला संघात स्थान? कुणाला बाहेरचा रस्ता दाखवणार

IND vs SL 2nd ODI : भारत आणि श्रीलंका यांच्यातील एकदिवसीय मालिकेतील दुसऱ्या एकदिवसीय सामन्यात रोहित शर्मा मोठे फेरबदल करु शकतो.

भारत विरुद्ध श्रीलंका

भारत आणि श्रीलंका यांच्यातील दुसरी वनडे मॅच उद्या कोलंबोत होणार आहे. या सामन्यात विजय मिळवण्यासाठी रोहित शर्मा संघात फेरबदल करण्याची शक्यता आहे.

भारत आणि श्रीलंका यांच्यातील पहिली वनडे मॅच टाय झाली होती. भारतीय संघ 230 धावांवर बाद झाला. भारतानं फिरकीपटूंसमोर विकेट गमावल्या. दुसऱ्या वनडे मॅचमध्ये रोहित शर्मा रिषभ पंत आणि रियान पराग यांना संधी देऊ शकतो, अशा चर्चा आहेत.

रिषभ पंतला संघात स्थान मिळाल्यास वॉशिंग्टन सुंदरला संघाबाहेर जावं लागू शकतं. मात्र, त्याचवेळी संघात फक्त चार गोलंदाज राहू शकतात. त्यामुळं उर्वरित 10 ओव्हरमध्ये कोण गोलंदाजी करणार असा प्रश्न आहे. भारतानं आतापर्यंत श्रीलंकेविरुद्ध 99 सामने जिंकले आहेत. उद्या शंभरावा सामना जिंकण्याची भारताकडे संधी आहे.

वॉशिंग्टन सुदरच्या जागी रियान परागला देखील संधी मिळू शकते अशा चर्चा आहेत. रिषभ आणि रियान पराग दोघांना संधी दिल्यास वॉशिंग्टन सुंदर आणि केएल राहुल, शिवम दुबे आणि श्रेयस अय्यर यापैकी एका खेळाडूला संघाबाहेर जावं लागू शकतं.

भारताची संभाव्य टीम : रोहित शर्मा, शुभमन गिल, विराट कोहली, श्रेयस अय्य, केएल राहुल, रिषभ पंत, शिवम दुबे, कुलदीप यादव, मोहम्मद सिराज अन् अर्शदीप सिंग