Corona Vaccination | कुठे रांगोळी, कुठे फुलं-फुग्यांची सजवट; राज्यात लसीकरणाची जय्यत तयारी

सोलापुरातील दाराशा रुग्णालयातही कोरोना लसीकरणाची जोरदार तयारी करण्यात आली आहे. रुग्णालयाला फुग्यांची सजावट केली आहे.

भारतात आजपासून जगातील सर्वात मोठ्या कोविड लसीकरण मोहिमेला सुरुवात होणार आहे. पहिल्या दिवशी देशभरातील तीन लाखांहून अधिक आरोग्य कर्मचाऱ्यांना कोविड-19 लस दिली जाईल. पंतप्रधान नरेंद्र मोदी सकाळी साडेदहा वाजता पहिल्या टप्प्यातील लसीकरण अभियानाची सुरुवात करतील.

कोल्ड स्टोअरेजमध्ये कोरोना लसीचा साठा करण्यात आला आहे. हीच ती लस आहे, जी आज आरोग्य कर्मचाऱ्यांना दिली जाणार आहे.

मुंबईतील कुपर रुग्णालयातही आज कोरोनाचं लसीकरण होणार आहे. या मोहिमेसाठी आरोग्य कर्मचारी सज्ज झाले आहेत.

आजपासून सुरु होणाऱ्या कोरोना लसीकरणासाठी महाराष्ट्रही सज्ज आहे. ऐतिहासिक अशा या लसीकरणाचा उत्साह पाहायला मिळत आहे. एखाद्या सोहळ्याप्रमाणे कोरोना लसीकरणाच्या मोहिमेला सुरुवात होत आहे.

सर्वात आधी आरोग्य कर्मचाऱ्यांना कोरोनाची लस टोचली जाणार आहे. लसीकरणाची कर्मचाऱ्यांमध्येही उत्साह पाहायला मिळत आहे. नाशिकमध्ये महिला आरोग्य कर्मचारी लसीकरण मोहिमेच्या तयारी करताना...