Wardha News: वर्धा आणि यशोदा नदीला पूर ,निम्न वर्धा धरणाचे 25 दरवाजे उघडले

Wardha News: वर्ध्यात दोन ते तीन दिवसांपासून जोरदार पावसाने हजेरी लावली आहे.

Wardha News

त्यामुळे वर्ध्यातील नद्या आणि नाले तुडुंब भरुन वाहू लागले आहेत.

या पावसामुळे वर्ध्यातील वर्धा आणि यशोदा नदीला पूर आला आहे.

निम्न वर्धा धरणाचे 25 दरवाजे उघडण्यात आले आहे.

निम्न वर्धा प्रकल्पातुन पाण्याचा विसर्ग सुरू असल्याने वर्धा आणि यशोदा नदीच्या पाणी पातळीमध्ये वाढ झाली आहे.

त्यामुळे नदीकाठच्या गावांना सतर्कतेचा इशारा देण्यात आला आहे.

वर्धा नदीच्या काठावर वसलेल्या हिंगणघाट तालुक्यातील कान्होली या गावाला मागील वर्षी पुराच्या पाण्याने वेढले होते.

त्यामुळे प्रशासनाची देखील चांगली तारांबळ उडाली होती.

यंदा प्रशासनही अलर्ट मोडवर असून प्रशासनाकडून नागरिकांना काळजी घेण्याचे आवाहन केले आहे.