Wardha Accident: हिंगणघाट येथे महामार्गावर खड्डा चुकवताना ट्रॅव्हल्स पलटली; अपघातात एकाचा मृत्यू, आठ प्रवासी जखमी

Wardha Accident: वर्ध्याच्या हिंगणघाट येथील नागपूर - हैदराबाद महामार्गावर छोट्या आर्वी शिवारातील सगुणा कंपनीजवळ भरधाव ट्रॅव्हल्स पलटल्याने भीषण अपघात झाला आहे

Wardha Accident

पहाटे पाच वाजताच्या सुमारास रस्त्यावरील खड्डा चुकवताना चालकाचे गाडीवरील नियंत्रण सुटले आणि ट्रॅव्हल्स पलटी झाली.

या अपघातात एका प्रवाशाचा जागीच मृत्यू झाला आहे तर आठ जण यात जखमी झाले आहे.

ट्रॅव्हल्स क्रमांक सी बी 19 - एफ 3366 ही हैदराबाद येथून रायपूरला चालली होती.

ट्रॅव्हल्समधून 28 प्रवासी प्रवास करत असल्याची माहिती पोलिसांनी दिली आहे

तर पन्नासच्यावर प्रवासी ट्रॅव्हल्समध्ये असल्याचे प्रवाशांचे म्हणणे आहे.

ट्रॅव्हल्स भरधाव वेगात हैद्राबादवरून रायपूरकडे जात असताना हिंगणघाट नजीक पोहचली.

छोटी आर्वीजवळ महामार्गावर असलेल्या खड्डयांचा अंदाज चालकाला आला नाही. खड्डा चुकविताना चालकाचे ट्रॅव्हलवरील नियंत्रण सुटले. त्यामुळे ट्रॅव्हल्स पलटी झाली. यात एक प्रवासी जागीच मृत्यू झाला.

गंभीर जखमी झालेल्याना रुग्णालयात दाखल करण्यात आले आहे. तर काही किरकोळ जखमी दुसऱ्या बसमध्ये बसून पुढील प्रवासाला निघून गेले आहे.घटनास्थळी हिंगणघाट पोलीस पोहचले असून तपास सुरू आहे.

एसी कोच असलेल्या या ट्रॅव्हल्सचा अपघात झाल्याने प्रवासी क्षमतेवर प्रश्न निर्माण झाला आहे.