Ajit Pawar: अमित शाहांसमोर अजितदादांचा हटके लूक, डोळ्यांवर गॉगल अन् पांढऱ्या टोपीने लक्ष वेधलं

Ajit Pawar: त्यामुळे अमित शाहांनी किल्ले रायगडावर जाऊन छत्रपती शिवाजी महाराजांच्या समाधीला अभिवादन केलं. रायगडावर जाण्यासाठी ते शुक्रवारीच पुण्यात दाखल झाले होते.

Ajit Pawar

देशाचे गृहमंत्री अमित शाह हे आज रायगड जिल्ह्याच्या दौऱ्यावर आहेत. छत्रपती शिवाजी महाराजांची आज तिथीनुसार पुण्यतिथी आहे.

त्यामुळे अमित शाहांनी किल्ले रायगडावर जाऊन छत्रपती शिवाजी महाराजांच्या समाधीला अभिवादन केलं. रायगडावर जाण्यासाठी ते शुक्रवारीच पुण्यात दाखल झाले होते.

शासकीय शिष्टाचारानुसार मुख्यमंत्री देवेंद्र फडणवीस, उपमुख्यंत्री अजित पवार, उपमुख्यमंत्री एकनाथ शिंदे, मंत्री चंद्रशेखर बावनकुळे, मंत्री मुरलीधर मोहोळ, आमदार, खासदार आदी नेते स्वागतासाठी उपस्थित होते.

दरम्यान अमित शाह यांच्या या दौऱ्यावेळी हजर असताना अजित पवारांनी केलेल्या लूकची जोरदार चर्चा होती.

गेल्या काही दिवसांपासून रायगड जिल्ह्याच्या पालकमंत्रिपदाचा तिढा कायम आहे. शिवसेना आणि राष्ट्रवादीतील वादामुळे रायगडचं पालकमंत्रिपद स्थगित करण्यात आलं होतं.

अशातच अमित शाह आज रायगड दौऱ्यावर असल्याने पालकमंत्रिपदाचा तिढा सुटण्याची शक्यता वर्तवली जात आहे.

दरम्यान अमित शाह यांच्या या रायगड दौऱ्यामुळे पुन्हा एकदा पालकमंत्रिपदाची चर्चा सुरू झाल्याचे पाहायला मिळत आहे.