Tamhini Accident: ताम्हिणी घाट अपघातातील 'थार'चे फोटो समोर, गाडीचा चेंदामेंदा; रेस्क्यू ऑपरेशन अद्यापही सुरूच

अपघातग्रस्त स्थळी फॉरेन्सिक टीम देखील दाखल झालिये. कोसळलेल्या थार कारचा वेगात लोखंडी बेरिगेट्स आणि येथील लोखंडी पोळ तुकडे होऊन पडलेत त्यामुळे या कारचा वेग प्रचंड वेगात असावा असा अंदाज व्यक्त होतोय.

Tamhini Accident

ताम्हिणी घाटात आज (20 November) भीषण अपघात झाला. आपली नवीन थार घेऊन कोकणात फिरायला गेलेल्या तरुणांची कार 500 फूट खोल दरीत कोसळून 4 जणांचा मृत्यू झालाय.

ताम्हिणी घाट अपघातातील 'थार'चे फोटो समोर आले आहेत.यात गाडीचा चेंदामेंदा झाला असून रेस्क्यू ऑपरेशन अद्याप सुरूच आहे.

ताम्हिणी घाटातील अपघातग्रस्तस्थळी फॉरेन्सिक टीमदेखील दाखल झालीय. अपघाताचे मूळ कारण आणि अपघात स्थळावरून हवेत गेलेली थार 500 फूट खोल दरीत किती वेगात कोसळली असावी याचा तपास घेण्यासाठी फॉरेन्सिक टीमचे अधिकारी घटनास्थळावर दाखल झालेत.

कोसळलेल्या थार कारचा वेगात लोखंडी बेरिगेट्स आणि येथील लोखंडी पोळ तुकडे होऊन पडलेत त्यामुळे या कारचा वेग प्रचंड वेगात असावा असा अंदाज व्यक्त होतोय.

ताम्हणी घाटातील अपघातात मृत तरुणांचे मृतदेह बाहेर काढण्यासाठी रेस्क्यू टीमकडून मोठमोठ्या रोपचा वापर करावा लागत आहे .

या रोप मुख्य रस्त्यावर बांधण्यात आल्यामुळे ताम्हणी घाटात मोठी वाहतूक कोंडी झाली आहे.

पोलीस प्रशासनाकडून पुणे आणि रायगड या दोन्ही जिल्ह्यांच्या दिशेकडून येणारी वाहतूक थांबवून ठेवण्यात आली आहे.

त्यामुळे प्रचंड मोठ्या प्रमाणात वाहनांच्या रांगा लागल्याने प्रवासी अडकून पडले आहेत.

20 दिवसांपूर्वी फिरायला गेलेल्या या तरुणांपैकी एकाने नवीन कार घेतली होती. कार चालवत असताना नियंत्रण सुटल्याने थेट 500 फूट दरीत थार कोसळली.

मंगळवारी रात्री झालेल्या या अपघाताची घटना दोन दिवसांनी समोर आली. या कारचा चक्काचूर झाला आहे. घटनेची माहिती कळताच बचाव पथक दोरखंड क्रेन आणि इतर उपकरणांच्या मदतीने रेस्क्यू ऑपरेशन करत आहेत.

दरम्यान, मृतदेह बाहेर काढण्यासाठी ज्या रोपचा वापर करावा लागतोय ती रोप मुख्य रस्त्यावर बांधण्यात आल्यामुळे ताम्हणी घाटात वाहनांच्या रांगाच रांगा दिसत आहेत.