Tamhini Ghat Accident: ताम्हिणी घाटात डोंगरावरुन दगड गडगडत आले, कारचं सनरुफ फोडून आत शिरले, स्नेहा गुजराथींनी जागेवरच जीव सोडला

Raigad Tamhini Ghat Accident: रायगडच्या ताम्हिणी घाटात दरड कोसळली, कारचं सनरुफ फोडून दगड महिलेचा डोक्यात पडला, जागेवरच प्राण सोडले. भीषण अपघातामुळे खळबळ

Raigad Tamhini Ghat Accident

रायगड जिल्ह्यातील अतिशय धक्कादायक बातमी समोर येतेय. रायगडच्या ताम्हिणी माणगाव घाटामध्ये एका आलिशान कारवर आज सकाळी कोंडेथर या गावाजवळ दरड कोसळून एका महिलेचा जागीच मृत्यू झाला.

धक्कादायक बाब म्हणजे या आलिशान कार ला असलेल्या सनरूफ मधून दरड मधील एक टोकदार दगड थेट महिलेच्या डोक्यात आदळला आणि या महिलेचा जागीच मृत्यू झाला

अपघातानंतर या महिलेला जवळच्या मोदी दवाखान्यात दाखल करण्यात आले. मात्र, डॉक्टरांनी त्यांना मृत घोषित केले.

पुण्यावरुन माणगावच्या दिशेने एक गुजराती कुटुंब आपल्या अलिशान कारने प्रवास करत होते.

ताम्हिणी घाटातील कोंडीथर गावाजवळ एक दरडीचा भाग आहे.

या दरडीतील दगड-गोटे खाली येऊन कारवर आदळले.

यापैकी एक दगड सनरुफ तोडून वेगाने आत घुसला. हा दगड चालकाच्या बाजूला बसलेल्या स्नेहल गुजराथी यांच्या डोक्यात आदळला.

यामध्ये त्यांच्या डोक्याला गंभीर इजा झाली. यानंतर स्नेहल गुजराथी यांना उपचारासाठी मोदी क्लिनिकमध्ये दाखल करण्यात आले होते.

मात्र, क्लिनिकमध्ये नेईपर्यंत त्यांचा मृत्यू झाला होता.

ताम्हिणी घाटात गेल्या काही दिवसांपासून जोरदार पाऊस झाला आहे. त्यामुळे मुरुम असलेला दरडीचा भाग सैल झाला होता. त्यामुळे डोंगरावरील दगड-गोटे खाली आले.

या अपघातामध्ये स्नेहन गुजराथी यांचा मृत्यू झाला.