MLA Photo Session : अध्यक्षांच्या उजव्या बाजूला दादा, डाव्या बाजूला मुख्यमंत्री, जयंत पाटीलही पहिल्या रांगेत, फोटोसेशनवेळी कोण कुठे दिसले?

Nagpur Winter Session : राज्याच्या हिवाळी अधिवेशनाचा आजचा सहावा दिवस, विधानभवनात सर्वपक्षीय आमदारांचं फोटोसेशन, टाळी देऊन हास्यविनोद, गळ्यात पडून हसले,भिडणारे शिवसैनिक खेळीमेळीत दिसले

MLA Photo Session Nagpur Assembly Winter Session 2023

नागपूर: राज्याच्या हिवाळी अधिवेशनाचा (Maharashtra Winter session) आजचा सहावा दिवस आहे.

मात्र आज सर्वपक्षीय आमदाराच्या एकत्र फोटोसेशनवेळी महाराष्ट्राच्या राजकीय प्रगल्भतेचं चित्र पाहायला मिळाले.

सत्ताधारी आणि विरोधकांनी एकमेकांचे हेवेदावे विसरुन, सर्व आमदार खेळीमेळीत पाहायला मिळाले.

यावेळी विधानसभा अध्यक्ष राहुल नार्वेकर मध्यभागी तर त्यांच्या उजव्या बाजूला उपमुख्यमंत्री अजित पवार, डाव्या बाजूला मुख्यमंत्री एकनाथ शिंदे, उपमुख्यमंत्री देवेंद्र फडणवीस पाहायला मिळाले.

आजही विधानसभेच्या सर्वपक्षीय आमदारांनी एकत्र फोटोसेशन केले.

दरम्यान या फोटोसेशननंतर एकमेकांना भिडणारे ठाकरे गट आणि शिंदे गटाच्या शिवसेनेमध्येही वेगळं चित्र पाहायला मिळालं.

मुख्यमंत्री एकनाथ शिंदे आणि ठाकरे गटाचे आमदार सुनील प्रभू या दोघांमध्ये हास्यविनोद पाहायला मिळाले.

दोघेही एकमेकांना टाळ्या देऊन हसताना दिसले. त्यावेळी बाजूला देवेंद्र फडणवीस, आमदार संतोष बांगर उपस्थित होते.

टाळी देऊन हास्यविनोद, गळ्यात पडून हसले, भिडणारे शिवसैनिक खेळीमेळीत दिसले