स्कूटी पार्क करुन मॉलमध्ये शॉपिंगला गेले, मग पार्किंगमधून स्कूटी पळवली; नागपूरमधील तीन पोरींचा व्हिडीओ व्हायरल

पोलिसांनी सीसीटीव्ही तपासल्यावर तीन तरुणी सदरील स्कुटी चोरून नेताना दिसत आहे..

nagpur mall theft

नागपूरच्या नंदनवन परिसरातून धक्कादायक घटना समोर आली आहे.

तीन तरुणींनी मिळून शॉपिंग मॉलच्या पार्किंगमधून एक दुचाकी चोरी केल्याचे समोर आले आहे.

तीन तरुणी स्कुटी चोरून नेतानाचे दृश्य सीसीटीव्ही कॅमेऱ्यात चित्रित झाले आहे..

ही घटना 2 जुलै रोजी दुपारच्या सुमारास घडली असून फिर्यादी वीणा राजगिरे आपल्या पती सह स्कुटीने एका मॉल मध्ये खरेदी करण्यासाठी गेल्या होत्या..

दरम्यान त्यांनी मॉलच्या पार्किंगमध्ये दुचाकी पार्क केली आणि त्या खरेदीसाठी आत गेल्या...

परंतु काही वेळाने परत आल्यावर त्यांना पार्क केलेल्या ठिकाणी दुचाकी दिसली नाही. त्यामुळे त्यांनी काही वेळ शोध घेतला पण गाडी न सापडल्याने त्यांनी नंदनवन पोलिस ठाण्यात तक्रार नोंदवली.

पोलिसांनी चोरी करणाऱ्या तरुणींची ओळख पटवुन त्यांचा शोध सुरू केला आहे..