Weather Update: राज्यातील 'या' 5 जिल्ह्यांमध्ये आज मुसळधार पाऊस; घराच्या बाहेर पडण्याआधी पाहा तुमच्या भागातील स्थिती

Rain Alert: गेल्या तीन ते चार दिवसांपासून राज्यात पावसाचा जोर चांगलाच वाढला आहे. अनेक जिल्ह्यांना पावसाचा रेड अलर्टही देण्यात आला होता.

Maharashtra Rain Update

आजही राज्यात जोरदार पावसाचा अंदाज हवामान विभागाने वर्तवला आहे.

पुण्यासह राज्यातील 5 जिल्ह्यांना आज ऑरेंज अलर्ट देण्यात आला आहे.

पुणे, पालघर, रायगड, रत्नागिरी, सातारा या जिल्ह्यांना पावसाचा ऑरेंज अलर्ट देण्यात आला आहे. या जिल्ह्यांमध्ये आज अतिमुसळधार पावसाची शक्यता आहे.

मुंबईतही आज मुसळधार पावसाचा अंदाज आहे, त्यामुळे घराबाहेर पडण्याआधी पावसाची स्थिती पाहूनच बाहेर पडा.

मुंबई, ठाणे, सिंधुदूर्ग, कोल्हापूर या जिल्ह्यांना आज यलो अलर्ट देण्यात आला आहे.

अमरावती, वर्धा, नागपूर, भंडारा या जिल्ह्यांना पावसाचा यलो अलर्ट देण्यात आला असून तिथेही मुसळधार पावसाचा अंदाज आहे.

राज्यातील इतर जिल्ह्यांना आज ग्रीन अलर्ट देण्यात आला आहे. त्यामुळे बाकी जिल्ह्यांमध्ये हलक्या स्वरूपाचा पाऊस बरसण्याची शक्यता आहे.