धक्कादायक! घराबाहेर पडलेल्या 80 वर्षाच्या महिलेवर बिबट्याची झडप, 500 मीटर फरफटत नेले, मृतदेह छिन्नविछिन्न
Nandurbar leopard Attack: वनविभागाचे अधिकारी आणि पोलिस घटनास्थळी पोहोचले. घटनेचा पंचनामा करण्यात आल्यानंतर महिलेल्या उत्तरिय प्रक्रियेसाठी तळोद्याच्या शवविच्छेदनगृहात पाठवण्यात आले आहे.
Nandurbar: नंदुरबार जिल्ह्यातील तळोदा तालुक्यातील खुर्चीमाड गावात एक भयंकर घटना घडली आहे. 80 वर्षीय वृद्ध महिला घराबाहेर काही कामासाठी गेली असता दबा धरून बसलेल्या बिबट्याने या महिलेवर अचानक झडप घातली. (Leopard Attack) बिबट्याने या महिलेवर झडप घालून तिला आपल्या तावडीत ओढून घेत बिबट्याने महिलेवर जोरदार हल्ला करत तिला जवळपास 500 मीटर अंतरावर फरफटत नेले.यात महिलेचा मृतदेह छिन्नविछिन्न अवस्थेत आढळून आला आहे. या हल्ल्यामुळे गावात मोठी खळबळ उडाली असून ग्रामस्थांमध्ये भीतीचं वातावरण पसरलं आहे.
घटनेची माहिती मिळताच वनविभागाचे अधिकारी आणि पोलिस घटनास्थळी पोहोचले. घटनेचा पंचनामा करण्यात आल्यानंतर महिलेल्या उत्तरिय प्रक्रियेसाठी तळोद्याच्या शवविच्छेदनगृहात पाठवण्यात आले आहे. या महिलेचे नाव गौरेबाई खालेनाईक असे आहे. रात्री एक वाजता हा बिबट्याचा हल्ला झाल्याचे प्रत्यक्षदर्शीने सांगितले. रात्री शोधाशोध झाली. गावातले लोक जमा झाले. जंगलात एका ठिकाणी या महिलेचा मृतदेह सापडला. बिबट्याला पकडण्यासाठी सध्या शोधमोहीम राबवली जात आहे.
नागरिकांमध्ये भीतीचं वातावरण
गावकऱ्यांनी प्रशासनाकडे बिबट्याचा बंदोबस्त करण्याची मागणी केली आहे. या हल्ल्यामुळे नागरिकांत भीती निर्माण झाली असून, त्यांनी स्वतःच्या सुरक्षिततेबाबत चिंता व्यक्त केली आहे. गावातील काही लोकांच्या मते, परिसरात गेल्या काही दिवसांपासून बिबट्याचे दर्शन वारंवार होत होते. मात्र, त्यावर ठोस उपाययोजना करण्यात आलेली नव्हती. परिणामी, हा जीवघेणा हल्ला घडल्याचा ग्रामस्थांनी सांगितलंय. वनविभागाने त्वरित बिबट्याला पकडण्यासाठी पिंजरा लावावा आणि अशा घटनांची पुनरावृत्ती होणार नाही, यासाठी उपाययोजना कराव्यात, अशी मागणी केली जात आहे. वनविभागाने नागरिकांना रात्रीच्या वेळी घराबाहेर जाणे टाळण्याचे आणि जंगलाच्या जवळपास फिरण्याचे टाळण्याचे आवाहन केले आहे. तसेच, सतर्क राहून संशयास्पद हालचाली दिसल्यास त्वरित वनविभागाला कळवण्याचेही सांगितले आहे.
नाशिकमध्ये शिवारात बिबट्याचं दर्शन
पंचवटीच्या (panchavati) मखमलाबाद शिवारातील (Makhamalabad Shivar) गंगापूर कालव्यालगत वनविकास सागजडी महामंडळाच्या रोपवाटिकेजवळ भरदिवसा नागरिकांना बिबट्याचे (Nashik Leopard News) दर्शन घडले. यामुळे शेतकरी व परिसरात येणाऱ्या शेतमजुरांमध्ये भीतीचे वातावरण पसरले आहे. या परिसरात नर व मादी तसेच दोन बछडे असल्याची चर्चा आहे.
बिबट्याचा व्हिडिओ सध्या सोशल मीडियावर व्हायरल झालाय. मखमलाबाद शिवारातील गंगापूर कालव्यालगत काही दिवसांपासून बिबट्याचा वावर वाढला आहे. यामुळे कालव्याच्या रस्त्यावरून ये जा करताना नागरिकांमध्ये भीती व्यक्त होत आहे. काही दिवसांपूर्वी काकड यांच्या मळ्यातील वासराचा बिबट्याने फडशा पाडला होता. कालव्याच्या परिसरात सकाळी- सायंकाळी फेरफटका मारण्यासाठी नागरिक येत असतात.
हेही वाचा:
Pune Crime : आता बाप बाहेर आलाय, मोक्कामधून सुटलेल्या कुख्यात गुंडासाठी येरवडा परिसरात रॅली
महत्त्वाच्या बातम्या
ट्रेंडिंग न्यूज
