Photo : अंबेजोगाईत वानरावर वाजत-गाजत अंत्यसंस्कार

Beed News Update

अंबाजोगाई शहरातील हनुमान मंदिरासमोरील वडाच्या झाडावरून समोरच्या इमारतीवर उडी मारत असताना वानर शेजारील वीजेच्या तारांना चिटकले. त्यामुळे शॉक लागून ते मंदिरासमोरच खाली पडले. घटनास्थळी उपस्थित असलेले गावकरी वानराच्या मदतीला धावले. परंतु, वानराला वाचवण्यात अपयश आले.

मंदिराच्या समोर वानराचा मृत्यू झाल्याचे वृत्त वाऱ्यासारखे परिसरात पसरले आणि लोकांनी हनुमान मंदिरासमोर गर्दी केली. मंदिरासमोर जमा झालेल्या हनुमान भक्तांनी या वानरावर वाजत-गाजत अंत्यसंस्कार करणार असल्याचे जाहीर केले.

तासभर भजनी मंडळ भजन कीर्तनात दंग झाले. मृत वानराचा दर्शनासाठी लोक जमू लागले.

भजन-कीर्तन संपल्यानंतर रस्त्यामध्ये रांगोळी काढण्यात आली. परिसरातील महिलांनी रस्त्यावर सडा टाकला.

टोपी घातलेले आणि गुलाल लावलेले वानर पायावरती बसवले होते. त्याच्यासमोर प्रसादाचा ढीग वाढत चालला होता. वानराची पूजा करण्यासाठी लोक गर्दी करत होते.

वानराला एका सजवलेल्या पालखीमध्ये बसवण्यात आलं आणि पालखी खांद्यावर घेऊन हनुमान भक्तांनी काळा हनुमान मंदिराकडून अंत्ययात्रा काढली

अंत्ययात्रेनंतर मृत वानरावर अंत्यसंस्कार करण्यात आले.