Latur Acident: अचानक धावत्या एसटीचं स्टेअरिंग झालं जाम, बस थेट पुलावरुन खाली पडून भीषण अपघात

Latur Acident: वेगानं जाणाऱ्या एसटीचं अचानक स्टेअरिंग जाम झाल्यानं भीषण अपघात झाला आहे. यामध्ये 30 प्रवासी जखमी झाले आहेत.

Latur Accident News Updates

Latur Acident Updates: लातूरमध्ये आज (मंगळवारी) सकाळी भीषण अपघात झाला.

स्टिअरिंग रॉड जाम झाल्यानं एसटी बसचा भीषण अपघात झाला.

लातूर आगारातून मंगळवारी सकाळी एसटी बस पुणे-वल्लभनगरसाठी निघाली होती. या एसटीचा अपघात झाला.

पुणे-वल्लभनगर एसटी बस बोरगाव काळे नजीक आली असता, अचानक स्टिअरिंग रॉड जाम झाल्यानं बस पुलाच्या खाली घसरली.

अपघात झाला त्यावेळी एसटी बसमधून 30 प्रवासी प्रवास करत होते.

अपघातग्रस्त बसमधील तब्बल 30 प्रवासी जखमी झाले आहेत.

स्थानिकांनी तात्काळ बचावकार्य सुरू केलं.

जखमींना तात्काळ उपचारासाठी मुरुड ग्रामीण रुग्णालयात दाखल करण्यात आलं.

एकूण जखमींपैकी 14 जखमी प्रवाशांना पुढील उपचारासाठी लातूरच्या शासकीय दवाखान्यात हलवण्यात आलं आहे.

सुदैवानं अपघातात कोणतीही जीवितहानी झालेली नाही.