Ashadhi Wari 2023: अवघा रंग एक झाला... गजानन महाराजांच्या पालखीचे बीडच्या अंबाजोगाईत स्वागत; पाहा फोटो

Ashadhi Wari 2023 : टाळ-मृदुंगाच्या तालात आणि विठ्ठल नामजपात संतश्रेष्ठ गजानन महाराजांच्या पालखीचे (Gajanan Maharaj Palkhi) बुधवारी (14 मे) रोजी अंबाजोगाई शहरात आगमन झाले.

Gajanan Maharaj Palkhi in Beed

अंबाजोगाई शहरात भाविकांनी गजानन महाराजांच्या पालखीचे उत्साहात स्वागत केले. संत गजानन महाराजांच्या मूर्तीचे दर्शन घेण्यास ठिकठिकाणी गर्दी झाली होती.

यावेळी गजानन महाराजांच्या मूर्तीस पुष्पहार अर्पण करून भाविकांनी मनोभावे दर्शन घेतले.

तर अंबाजोगाईकरांच्या सुख समाधानासाठी आणि ग्रामीण भागातील शेतकऱ्यांसाठी यंदा पुरेसा पाऊस येऊ दे आणि शेतकऱ्यांची भरभराट होऊ दे, असे साकडे यावेळी शेतकऱ्यांनी घातले.

आज सकाळपासून 11 किलोमीटरचा प्रवास करून गजानन महाराजांची पालखी दुपारचा विसावा लोखंडी सावरगांव घेणार आहे.

त्यानंतर पुढे आणखी 9 किलोमीटरचा प्रवास करत बोरी सावरगांव येथे मुक्काम करणार आहे.

आषाढी एकादशीनिमित्त पंढरपुरी निघालेल्या संत गजानन महाराजांच्या पालखीचे दुपारी दोन वाजता अंबाजोगाई शहरातील संत भगवानबाबा चौकात आगमन झाले.

सायंकाळी सात वाजता योगेश्वरी मंदिरातून पालखी निघाली. छत्रपती शिवाजी महाराज चौकमार्गे ती शहरातील यशवंतराव चव्हाण महाविद्यालयात विसावली.

तिथे आरती होऊन पालखीतील वारकऱ्यांनी एकादशीचा फराळ घेतला. दरम्यान पालखी मार्गावर महिलांनी सडा शिंपून आकर्षक रांगोळ्या मांडल्या होत्या. ठिकठिकाणी भाविकांनी पालखीचे दर्शन घेतले.

रात्री या ठिकाणी भजन आणि कीर्तनाचा कार्यक्रम झाला तर आज सकाळी पालखीचे लोखंडीसावरगावमार्गे पंढरपूरकडे प्रस्थान होणार आहे.