Beed Train: दशकांचं स्वप्न पूर्ण! बीडच्या रेल्वेस्थानकावर अखेर ट्रेनची शिट्टी वाजलीच, बीडच्या रहिवाशांमध्ये मोठा उत्साह

बीड स्थानकावर पहिल्यांदाच ट्रेनची शिट्टी ऐकू आल्याने बीडकरांनी स्टेशनवर उपस्थित असलेल्या लोकांनी सुटकेचा नि:श्वास सोडला

Beed Train

बीडमध्ये नागरिकांचं अनेक दशकांचं स्वप्न अखेर पूर्ण झालं आहे. इतक्या वर्षात पहिल्यांदाच बीडच्या रेल्वे स्थानकावर रेल्वेची शिट्टी वाजली.

बीड जिल्हावासियांच्या अत्यंत जिव्हाळ्याचा प्रश्न असलेल्या हाय स्पीड रेल्वेची चाचणी यशस्वी पूर्ण झाली.

राजुरी ते बीड लोहमार्गावर हाय स्पीड रेल्वे चाचणी यशस्वी झाली आहे.

मागील दोन दिवसात विघनवाडी ते राजुरी आणि आज राजुरी ते बीड रेल्वे स्थानक या लोहमार्गावर ही चाचणी पूर्ण झाली आहे.

पहिल्यांदाच या लोहमार्गावर हाय स्पीड चाचणी घेण्यात आली. या लोहमार्गावर रेल्वे धावल्याने बीडकरांनी रेल्वे पाहण्यासाठी गर्दी केली होती.

रेल्वे विभागाचे वरिष्ठ अधिकाऱ्यांच्या निरीक्षणाखाली ही चाचणी घेण्यात आली. लवकरच या मार्गावर रेल्वे प्रवास सुरू करण्यासाठी रेल्वे प्रशासन प्रयत्नशील आहे.

विघ्नवाडी रेल्वे स्थानकावरून ताशी 130 किलोमीटर वेगाने निघालेली ही ट्रेन दुपारी 1:45 वाजता स्टेशनवर आली. रहिवाशांचा उत्साह पाहण्यासारखा होता.

रेल्वे संघर्ष समितीचे अधिकारी आणि ज्येष्ठ नागरिकांनी प्लॅटफॉर्मवर उभे राहून ट्रेनचे स्वागत केले.