Chips Pocket : ...यासाठी चिप्सच्या पॅकेटमध्ये जास्त हवा भरली जाते

Chips Pocket : CDA अप्लायन्सेसच्या अभ्यासात असे आढळून आले की, चिप्सचे पॅकेट जवळपास 72 टक्के रिकामे असते.

Chips

अनेक लोकांना चिप्स खायला आवडतात. कारण त्याची चवच इतकी चविष्ट असते आणि पॅकेजिंगच इतकं भारी असतं ते खाण्याचा मोह आवरत नाही.

तुम्ही सुद्धा अनेकदा चिप्स खाल्ले असतील जरी चिप्सच्या चवीने आपलं मन भरत असलं तरी मात्र, चिप्सने भरलेलं पॅकेट कधीच मिळत नाही.

जेव्हाही आपण चिप्सचं पॅकेट उघडतो तेव्हा सर्वात आधी अर्ध भरलेलं पॅकेट दिसतं आणि ते पाहून अस्वस्थ व्हायला होतं. यासाठी 'किंमत एवढी आणि काम असं' असे म्हणणारेही अनेकजण आपल्या आजूबाजूला दिसतात.

खरं तर, यूकेच्या स्नॅक, नट आणि क्रिस्प मॅन्युफॅक्चरर्स असोसिएशननुसार, चिप्स अधिक काळ फ्रेश ठेवता येतील यासाठी पॅकेटचा अर्धा भाग रिकामा ठेवला जातो. चिप्स अतिशय नाजूक असतात. अगदी हलक्या स्पर्शानेही ते तुटू शकतात.

अशा वेळी चिप्सचं पॅकेट फुगल्यामुळे आत भरलेली हवा हे चिप्स तुटण्यापासून वाचवण्याचे काम करते. 2017 मध्ये, CDA अप्लायन्सेसच्या अभ्यासात असे आढळून आले की, चिप्सचे पॅकेट जवळपास 72 टक्के रिकामे असते. तर केवळ 28 टक्के पॅकेटमध्ये चिप्स असतात.

रिकाम्या पॅकेटमध्ये फक्त हवा नसून त्यात नायट्रोजन वायू भरलेला असतो. हा नायट्रोजन वायू पॅकेटमधील चिप्स तुटण्यापासून वाचवतो आणि या वायूमुळे चिप्स लवकर खराबही होत नाहीत.

स्नॅक, नट आणि क्रिस्प मॅन्युफॅक्चरर्स असोसिएशनच्या नुकत्याच एका अभ्यासाला असे दिसून आले आहे की, चिप्सला वाया जाण्यापासून रोखण्याव्यतिरिक्त, नायट्रोजन वायू पॅकेटचे नुकसान होण्यापासून देखील संरक्षण करते.

चिप्सची पॅकेजिंग तापमानानुसार विस्तारत जाते आणि कमी होते. यामुळे पॅकेटमध्ये असलेला गॅस गरम हवामानात मोठ्या प्रमाणात आणि थंड वातावरणात कमी प्रमाणात असतो.

2017 च्या एका अभ्यासानुसार, चिप्सच्या पॅकेटमध्ये भरलेली हवा चिप्सना दीर्घकाळ ताजे ठेवण्याचे काम करते. यामुळे ते खराब होण्याची शक्यता नाही.