Shani Dev : भारतातील 'ही' 6 प्रसिद्ध शनिदेवाची मंदिरं तुम्हाला माहितीयत का? जाणून घ्या वैशिष्ट्य

Shani Dev : भारतात काही अशी प्रसिद्ध शनि मंदिरं आहेत जिथे अनेक भक्त शनिदेवाचा आशीर्वाद प्राप्त करण्यासाठी मोठ्या प्रमाणात भेट देत असतात.

Shani Dev

शनि शिंगणापूर : महाराष्ट्रातील जगप्रसिद्ध असलेलं शनि शिंगणापूर मंदिर शनिदेवांच्या अनेक प्रसिद्ध मंदिरापैंकी एक असून येथील मंदिराला छत आणि भिंत नसल्यानं हे या मंदिराचं खास वैशिष्ट्य मानलं जातं

येरदानूर शनि मंदिर : तेलांगणातील येरदानूर या शनि मंदिरात 2 फूट उंच असलेल्या एका काळ्या दगडावर शनि देवांची 20 फूट उंच भव्य अशी प्रतिमा आहे. मान्यतेनुसार शनिच्या प्रकोपासून वाचण्यासाठी भक्त या ठिकाणाला भेट देतात.

शनिश्वर मंदिर : तमिळनाडूतील शनिश्वर भगवान मंदिर हे भारतातील प्रमुख नवग्रहांपैकी एक मंदिर असून मान्यतेनुसार येथे दर्शन घेतल्यास भक्तांच्या आयुष्यातील शनि दोष आणि इतर अडथळे दूर होतात. तसेच, येथील तीर्थम सरोवरात आंघोळ केल्याने मागच्या जन्मातील वाईट कर्मांपासून मुक्ती मिळते अशी मान्यता आहे.

शनिचारा मंदिर : मध्य प्रदेशमध्ये असलेलं शनिचारा हे मंदिर भारतातील सर्वात प्रचीन मंदिरापैकी एक असून या मंदिरातील मूर्तीची निर्मिती उल्कापिंडापासून झालेली आहे.

बन्नंजे मंदिर : बन्नंजे श्री शनि क्षेत्र हे कर्नाटकामध्ये असून या ठिकाणी शनिदेवांच्या भव्य आणि विशाल अशा दोन प्रतिमा आहेत. तसेच, या ठिकाणी प्रसादाच्या स्वरुपात शनिदेवांना तेलाचा अभिषेकही घालण्यात येतो.

शनि धाम मंदिर : नवी दिल्लीतील शनि धाम मंदिर हे अत्यंत प्रसिद्ध शनिदेव मंदिर आहे. या मंदिरातील शनिदेवांची प्रतिमा 21 फूट उंच असून ही जगातील सर्वात उंच प्रतिमा आहे. तसेच, भक्तांच्या मान्यतेनुसार या ठिकाणी शनि देवाची मनोभावे पूजा केल्यानं आयुष्यातील सर्व संकटे आणि अडथळे दूर होतात.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)