Travel Tips : प्रवास करताना 'या' 3 चुका करू नका!

Travel Tips : प्रवासाचा आनंद पूर्णपणे घ्यायचा असेल तर आरोग्याची आणि पोटाची योग्य काळजी घेणं आवश्यक आहे.

Travel Tips

आपल्या प्रत्येकाच्या आयुष्यात प्रवास महत्त्वाचा आहे. कारण प्रवास केल्यानेच आपल्याला अनेक गोष्टी शिकायला मिळतात.

पण, प्रवासाचा खरा आनंद तेव्हाच मिळतो जेव्हा आपलं शरीर तंदुरुस्त आणि पोट पूर्णपणे ठिक असतं. अनेकदा लोक प्रवासात बाहेरचं अन्न खातात आणि मग पोटदुखी, गॅस किंवा जुलाबासारख्या समस्या निर्माण होतात.

अशा वेळी जर तुम्ही काही सोप्या सवयी वापरल्या तर तुमचा प्रवासही चांगला होईल आणि आरोग्यही चांगलं राहील.

नवीन ठिकाणं, वेगवेगळे पदार्थ आणि सुंदर निसर्ग पाहण्याचा आनंद वेगळाच असतो.

पण अनेकदा प्रवासाच्या दरम्यान अचानक पोट बिघडतं, लूज मोशन, गॅस किंवा बद्धकोष्ठता यांसारख्या समस्या निर्माण होतात.

प्रवासाच्या वेळी दिनश्चर्या आणि आहारातील बदलांमुळे आपल्या पचनावर परिणाम होतो. तेलकट पदार्थ, मसालेदार अन्न आणि कमी पाणी पिण्याची सवय ही काही कारणं ठरु शकतात.

त्याऐवजी दही भात, ओट्स, मूग डाळीची खिचडी किंवा फळं असा हलका आहार घ्यावा.

हा आहार पचायला सोपा असतो आणि पोट शांत ठेवण्यास मदत होते. प्रवासात अनेक लोकं कुठलंही पाणी पितात. यामुळे तुमच्या आरोग्यासाठी ते घातक ठरू शकतं.

म्हणून नेहमी शुद्ध पाण्याची बाटली जवळ ठेवावी आणि वेळोवेळी पाणी प्यावं. लांबच्या प्रवासात लिंबूपाणी, नारळपाणी किंवा ग्लुकोजयुक्त पाणी पिणं उपयोगी ठरू शकतं.

जर पचनाशी संबंधित त्रास आधीपासून असेल तर डॉक्टरांच्या सल्ल्याने औषधं सोबत ठेवावीत.

जर तुम्ही प्रवासात दही, ताक आणि फायबरयुक्त यांसारखे अन्न खाल्ले तर तुमचं पचन सुधारु शकतं.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).