Chandra Grahan 2026 : सूतक काळ सुरु, चंद्रग्रहणाला अवघे काही तास शिल्लक; जाणून घ्या आकाशात चंद्र दिसण्याची अचूक वेळ

Chandra Grahan 2026 : धार्मिक मान्यतेनुसार या ग्रहण काळात आपण मंत्र जाप करावं याबरोबरच देवाचं नामस्मरण करणं शुभ मानलं जातं.

Chandra Grahan 2026

यंदा 3 मार्च 2026 ला म्हणजेच आज वर्षाचं पहिलं चंद्रग्रहण पार पडणार आहे.

वर्षाचं पहिलं चंद्रग्रहण दुपारी 3 वाजून 20 मिनिटांनी सुरु होणार असून संध्याकाळी 6 वाजून 46 मिनिटांपर्यंत असणार आहे.

मात्र, या चंद्रग्रहणाचा सूतक काळ सकाळी 6 वाजून 20 मिनिटांपासूनच सुरु झालेला आहे.

मंगळवारी म्हणजेच आज होणारं हे चंद्रग्रहण भारतातील अनेक ठिकाणी दिसणार आहे. त्यामुळे धार्मिक मान्यतेनुसार या ग्रहणाचा सूतक काळ पाळणं महत्वाचं आहे.

या चंद्रग्रहणाचा सूतक काळ 9 तास आधीपासूनच सुरु झाला असून हे ग्रहण भारताशिवाय ऑस्ट्रोलिया, दक्षिण-पूर्व आशिया, प्रशांत महासागर आणि अमेरिका या ठिकाणीही दिसणार आहे.

तसेच, धार्मिक मान्यतेनुसार या ग्रहण काळात आपण मंत्र जाप करावं याबरोबरच देवाचं नामस्मरण करणं शुभ मानलं जातं.

याबरोबरच, ग्रहण काळ संपल्यानंतर घरात गोमुत्र शिंपडावं यामुळे ग्रहण काळातील नकारत्मकता दूर होते.

धार्मिक मान्यतेनुसार ग्रहण काळ संपल्यानंतर आपण स्नान करून शुद्ध व्हावं आणि घरातील देवांची मनोभावे पूजा-अर्चना करावी.

3 मार्च 2026 ला म्हणजेच मंगळवारी संध्याकाळी 5 वाजून 59 मिनिटांनी हे चंद्रग्रहण संपूर्ण भारतातून दिसणार आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)