Hrithik Roshan Movie: हृतिक रोशनच्या 'या' ब्लॉकबस्टर चित्रपटाने बॉलीवूडमध्ये पटकावले आहेत सर्वाधिक पुरस्कार, चित्रपट तुम्ही पाहिला का?

Hrithik Roshan Film: बॉलिवूडमध्ये असे अनेक चित्रपट बनले आहेत, ज्यांना अनेक पुरस्कार मिळाले. पण तुम्हाला माहित आहे का की हृतिकच्या डेब्यू चित्रपटाने इंडस्ट्रीत आतापर्यंत सर्वाधिक पुरस्कार जिंकले आहेत.

Hrithik Roshan

हृतिक रोशन हा असा बॉलिवूड स्टार आहे, ज्याने एकदा नव्हे तर अनेक वेळा जगातील सर्वात हँडसम मॅनचा किताब पटकावला आहे. चाहते हृतिकच्या अभिनयाचे आणि त्याच्या लूकचेही दिवाने आहेत.

अशातच आज आम्ही तुम्हाला अभिनेत्याच्या अशा चित्रपटाबाबत सांगणार आहोत, ज्याने एक-दोन-दहा नव्हे, तर तब्बल 92 पुरस्कार जिंकले आहेत.

आम्ही बोलत आहोत हृतिक रोशनचा पहिला चित्रपट 'कहो ना प्यार है' बद्दल, जो 2000 साली प्रदर्शित झाला होता. या चित्रपटात प्रेक्षकांना कलाकारांपासून कथेपर्यंत सर्व काही नवीन पाहायला मिळालं, त्यामुळेच हृतिक आणि अमिषा पटेलच्या या चित्रपटाला चाहत्यांचे भरभरून प्रेम मिळाले.

या चित्रपटाने बॉक्स ऑफिसवर जबरदस्त कमाई करण्यासोबतच अनेक विक्रमही मोडले, यावर्षी चित्रपटाने विविध श्रेणींमध्ये 92 पुरस्कार जिंकले आहेत.

त्यानंतर हृतिक रोशनच्या या चित्रपटाचं नाव 'गिनीज बुक ऑफ वर्ल्ड रेकॉर्ड'मध्ये नोंदवलं गेलं.

हृतिक रोशन त्याच्या पहिल्याच चित्रपटातून सुपरस्टार झाला. यानंतर त्याने बॉलिवूडला एकापेक्षा एक सुपरहिट चित्रपट दिले.

वर्क फ्रंटबद्दल बोलायचं झालं तर, अभिनेता लवकरच दीपिका पदुकोणसोबत 'फाइटर' चित्रपटात दिसणार आहे.