'ते स्वत:समोर इतरांना किरकोळ समजायचे' राजेश खन्ना यांच्याविषयी प्रसिद्ध अभिनेत्रीने असं का म्हटलं?

ज्येष्ठ अभिनेत्री फरीदा जलाल सध्या 'हिरामंडी' या वेबसीरिजमुळे चर्चेत आहे. दरम्यान, त्यांनी हिंदी चित्रपटसृष्टीतील पहिले सुपरस्टार राजेश खन्ना यांच्याबाबत एक धक्कादायक खुलासा केला आहे.

Rajesh Khanna

राजेश खन्ना यांनी हिंदी चित्रपटसृष्टीत ते स्थान मिळवले होते, जिथे आता कुणालाही पोहचणं शक्य नाही.

पण असं म्हणतात की, एकेकाळी हे स्टारडम त्यांच्या डोक्यात गेला होता. अलीकडेच ज्येष्ठ अभिनेत्री फरीदा जलाल यांनी यावर मोकळेपणाने बोलून राजेश खन्नाबाबत काही खुलासे केले आहेत.

फरीदा जलाल यांनी राजेश खन्ना यांच्यासोबत आराधना सिनेमात काम केलं होतं. हा सिनेमा 1969 साली प्रदर्शित करण्यात आला होता. या चित्रपटात राजेश खन्ना आणि शर्मिला टागोर यांच्या प्रमुख भूमिका होत्या.

तर फरीदा जलाल चित्रपटात या सहाय्यक अभिनेत्रीच्या भूमिकेत होत्या. या चित्रपटातील प्रसंग आठवून अभिनेत्रीने आता राजेश खन्ना यांना 'अहंकारी' म्हटले आहे.

बॉलीवूड बबलशी बोलताना फरीदा जलाल यांनी म्हटलं की, 'आराधना' चित्रपटाने राजेश खन्ना यांना स्टार बनवले होते. पण त्या काळात त्याच्यासोबत काम करणं खूप अवघड होतं. कारण तो खूप गर्विष्ठ झाला होता.

फरीदा पुढे म्हणाल्या की, 'आराधना' चित्रपटाच्या यशानंतर राजेश खन्ना यांचा अभिमान एवढा वाढला की त्यांनी कोणालाच आपल्या पुढे मानले नाही. सेटवरही आमच्यात बरेच भांडण झाले. कारण त्यावेळी मी पूर्णपणे नवीन होतो आणि मी रिहर्सल करायला सांगितल्यावर तो ओरडला आणि म्हणाला किती रिहर्सल.

फरीदा जलालने असेही सांगितले की, चित्रपटादरम्यान तिचे राजेश खन्नासोबत भांडण झाले असले तरी नंतर त्यांची मैत्री झाली. चित्रपटाच्या यशानंतर अवॉर्ड शोमध्ये दोघांची मैत्री झाली.

फरीदा जलाल नुकत्याच 'हिरामंडी'सिरिजमधून प्रेक्षकांच्या भेटीला आल्या.